Wën mer ti Piipel leese, khene mer unersuuchunge mache fer weyertliche woerheete fine. Awer wii khene mer noch mee nutse too tefun kriin?

Kep acht tsu te kleenichkheete fon te piiplixe kexichte. Tsum payxpiil, froo tich: ‘Weer hot tas kexrip? Fer weem? Wanee? Was fer waar ti situatsyoon? Was is foer heyer pasiirt? Un noo heyer?’

Tenk iwer ti lisyoone woos tuu lërne khanst. Unersuuch ti antworte fer soo sorte frooche: ‘Wii hon ti layt in tiise kexicht sich kexpiirt? Was fer kwaliteete hon se ketsaycht? Sol ich tiise persoon noo mache orer net? Warom?’

Tuu ti lisyoone aan wëne. Fiilaycht khanst tuu tas in te preetich aarwayt mache orer wëns tuu mit anere layt um keest. Soo tuust tuu siin wii kluuch Yeesus sayn wërter sin: “Yets woo teyer tas wist, froo sayt teyer wën teyer tas macht.” (Yoo. 13:17)

• Itee: Mërk wii ti informatsyoone im teel Wunerliche tinge fon Kot sayn Wort, in te mitewoch fersamlung, helfe uns siin wii mer aan wëne khene was mer lërne. Tiise sesyoon hot ofts frooche woo mer uns mache khene, phunkte fer triwer noo tenke un pilter woo mer noo kuke khene.