Ti sesyoon “Novidades” in te aplikatiiw JW Library® (“Was is nay?” in tëm site jw.org) tsaycht ti wiiteos un artikele woo khërtslich puplitsiirt kep sin. Wii khanst tuu tiise sesyoon penutse fer ti letste informatsyoone fine?

• Wën een nay artikel puplitsiirt is, is sayn sekwëns fon artikele atualisiirt. Soo wën een sekwëns fon artikele in te sesyoon “Novidades” is, khanst tuu te download fon te letst wersyoon fon tiise sekwëns mache. Tan khanst tuu te nay artikel leese; tee wërt kans oower im list sin, wën tas torich “Data” orkanisiirt is.

• Im xtant, khanst tuu net een kroos puplikatsyoon — soo wii een piichelche — uf een mool leese. Tuu khanst se in te “Favoritos” xtele; soo es wërt laychter se noch mool fine un wayter leese. Wëns tuu fërtich mit tayn leesung pist, khanst tuu ti puplikatsyoon fon te “Favoritos” raus tuun.

Etliche informatsyoone — soo wii notisye un pekhantmachunge — tuun ploos in tëm site jw.org foer khome, net in te aplikatiiw JW Library. Fer ti letste artikele fine, eriner tich ofts ti sesyoon “Was is nay?” im site kuke.