Teest tuu kërn tayn perseenlich xtuutyum nutslicher lose? Tiise itee khene tich helfe tich peser konsentriire:

• Suuch eene kuut plats raus. Wëns meechlich is, fersuuch een plats fine woo sauwer is un woo kenuuch licht hot fer se leese. Tuu khanst tich aan een tix setse orer een kuut plats traus fine.

• Fin een plats woos tuu aleen plaype khanst. Yeesus is “moynts frii” peete kang in een “apkeleechen plats”. (Mar. 1:35) Wëns tuu net kans aleen plaype khanst, tan saa fer tayn familye orer tii woo mit tich woone tas tuu xtutiire tuust. Ferlang tëne fer tich net xteere torich tiise tsayt.

• Los niks tayn acht ap lenke. Wëns tuu tayn telefoon orer tablet penutst fer se xtutiire, xtel se in een ruych aat, tas se tayn konsentratsyoon net xteere. Wëns tuu tich traan tenkst etwas woos tuu mache must, xrayp es uf fer noo heyer mache. Wën es xweyer is tich konsentriire, hool tich een tsayt fer een pisye laafe orer fer tich aus xtreke.