Wii mer uns foer perayte fer se xtutiire, khene mer uns frooe: ‘Was wil ich lërne?’ Awer meyer sole uns erinere tas, opwool mer waarte etliche spetsiifixe tinge lërne, khan sin tas Yeehoowa uns anere naye tinge in lërne wil. Wii khene mer “heere” was Yeehoowa uns in lërne wil?

Ferlang kluucheet in kepeet. Ferlang Yeehoowa sayn hilef fer se ferxteen was eyer wil hon tas tuu yets lërne solst. (Tya. 1:5) Say net tsufriite mit was tuu xon wise tuust. (Xpr. 3:5, 6)

Los ti kraft fon te Piipel tich influentsiire. “Kot sayn wort is lepeentich.” (Hep. 4:12) Soo, yeetes mool woo mer ti Piipel leese, khan se uns was nayes in lërne un uns helfe in unerxiitliche aate. Awer tas tuut ploos pasiire wën mer lose Kot uns in lërne.

Kep weyert fer ales was Yeehoowa penutst fer uns in lërne. Meyer hon “een tix fol mit aarich kuute [kaystliche] ese”. (Isa. 25:6) Tes weeche, rays net aus fon te artikele woos tuu tenkst tich net kefale tuun. Soo lost tuu Kot tich helfe een peser persoon wëre un tuu tuust tich fraye in tayn xtuutyum.