Host tuu Te Wachthorm mit acht tiise yoer keleest? Tan, kuk eps tuu khanst tiise frooche antworte:

Wii sole mer ti kesalpte pehantele?

Meyer kepe fiil weyert tsu tëne sayn klaape; awer, meyer kepe net tsu fiil acht tsu tëne. Meyer tuun net ‘ti pekhante layt loope’. (Judas 16, noote) Un noch, mer mache net perseenliche frooche iwer sayn hofnung. (Sentinela 01/20 sayt 29)

Was sol tich sicher lose tas Yeehoowa mërkt tich?

Ti Piipel tsaycht tas eyer hot tich kemërkt eeps tuu uf te welt khom pist. Tee heert tayn kepeete. Tee wees was tuu tenkst un was in tayn hërts is; un tayn aktsyoone tuun tëm petrefe. (1 Crô. 28:9; Pro. 27:11) Eyer hot tich tsu tëm ketsoo. (Sentinela 02/20 sayt 12)

Was sin welche payxpiile iwer wan sole mer xpreche un wan sole mer ruych plaype?

Meyer tuun froo iwer Yeehoowa xpreche. Meyer xpreche wën mer siin tas yemant een ferkheert weech nëmt. Ti elteste xpreche fer aanreete kepe, wëns neetich is. Meyer xpreche net fer kleenichkheete kriin (orer kepe) iwer wii unser aarwayt pariirt in lënter woo se ferpoot is. Meyer xpreche net iwer sache woo ti anere thërfe net wise. (Sentinela 03/20 sayte 20-21)

Was sin ti unerxiite tswixich ti hayxreke fon Joel kapitel 2 un tii fon Apocalipse kapitel 9?

Joel 2:20-29 saat tas Kot xuupt ti hayxreke wech un ferxprecht tsurik kepe ales woo is weeche tëne ferloer kep. Noo heyer, tuut Kot sayn kayst aus xiite. Tiise kleenichkheete hon sich erfiilt wii ti papiloonix militeer hot Israël iwerkefal un xpeeter. Apocalipse 9:1-11 pexraypt ti kesalpte in unser taache, woo sin wii hayxreke, wii se Kot sayn kerichte keeche tiise xlechte welt aus xpreche. Tas lost tii woo tiise welt unerxtitse, unruych. (Sentinela 04/20 sayte 3-6)

Weer is te kheenich fom nort hayt?

Ruslant un ti natsyoone woo tii xtitse. Tii hon Kot sayn folek xtark petrof, unser preetich aarwayt ferpoot un has keeche Yeehoowa sayn Tsayer ketsaycht. Te kheenich fom nort tuut mit tëm kheenich fom siit lënks naner keen. (Sentinela 05/20 sayt 13)

Is te “frucht fom kayst” kemacht kep fon ploos te 9 kwaliteete woo in Gálatas 5:22, 23 xteen?

Nee. Te hayliche kayst heleft uns anere xeene kwaliteete ëntwikele, soo wii ti kerechtichkheet. (Efé. 5:8, 9) (Wachthorm 06/20 sayt 17)

Was is een uersach warom khan es kefeerlich sin materyaale iwer tich selepst in te sotsyaale weepe tuun?

Weeche ti tinge woos tuu tat tuust, khan es aus siin tas tuu tich am proose pist un net tas tuu teemuutich pist. (Wachthorm 07/20 sayte 6-7)

Was khene ti kriste woo preetiche, mit kuute fixer lërne?

Tii xafe wan un woo tii khene woerxaynlich fixe fine. Tii wise wii ti richtiche feramente penutse. Un tii tuun koraajich xafe in unkewaartne situatsyoone. Meyer khene tas selwiche in tëm preetich mache. (Wachthtorm 09/20 sayt 5)

In was fer aate khene mer ti Piipel xtutënte helfe sayn liip tsu Yeehoowa ferxtërke?

Meyer khene tëne uf muute fer ti Piipel yeete taach leese un aan was se keleest hon triwer noo tenke. Un meyer khene tëne lërne se peete. (Wachthorm 11/20 sayt 4)

Weer is tepay in te wërter: “In Kristus tuun ale leepe kriin”? (1 Cor. 15:22)

Te aphostel Phaul waar net am saan tas yeete mënx teet uf keruuft wëre. Tee waar iwer ti kesalpte am xpreche, tii woo ‘kehaylicht kemacht kep sin in eenichkheet mit Yeesus Kristus’. (1 Cor. 1:2; 15:18) (Wachthorm 12/20 sayte 5-6)

Was tuun ti kesalpte mache, noo tas se ‘xnel wii ti aue plinsle, torich te letste trompeet ruf’ feënert sin? (1 Cor. 15:51-53)

Mit Kristus, tuun se ti layt rechiire mit een ayse xtok. (Apo. 2:26, 27) (Wachthorm 12/20 sayte 12-13)