Es is net imer laycht uns erinere was mer kelërnt hon. Awer es is laycht uns traan tenke fiile fon Yeesus sayn inlërnunge wayl ofts, hot eyer ferklaychunge penutst. Meyer khene uns foer xtele was Yeesus kesaat hot un tas helft uns es net ferkese. Kraat soo, khene mer mee informatsyoone erinere wën mer fersuuche uns foer xtele was mer leese. Wii khene mer tas mache? Meyer khene moole soo lang wii mer lërne.

Ti layt woo pilter moole iwer was nayes woo se lërne, tuun ofts tas peser erinere. Moole helft tëne net ploos wërter peser ferxteen, awer aach ti itee. Ti pilter woo se moole sin keweenlich. Moole helft hauptseechlich ti elter layt sich erinere was se am lërne sin.

Tas neekste mool woos tuu xtutiirst, im xtant khanst tuu fersuuche pilter moole iwer was tuu kelërnt host. Es tuut tich ferwunere wii fiil tuu tich erinere tuust!