Pesere tsayte wëre hotich khome!

“In khorts tsayt, wëre ti xlechte net mee eksistiire. . . Awer ti tsaame wëre ti eyert kriin, un wëre sich fraye mit kroos friit.” — SALMO 37:⁠10, 11.

TEEST tuu kërn ti erfiilung fon tiise profetsii siin? Sicher, kël! Meyer hon xtarke motiiwe fer klaape tas es hotich pasiirt.

Ti artikele, foer traan, hon ploos etliche piiplixe profetsiie analisiirt woo taytlich tsayche tas mer in ti “letste taache” leepe. (2 Timóteo 3:⁠1-⁠5) Kot hot ti Piipel xraypere inspiriirt fer in foer raus saan was pasiire teet, tas mer khënte hofnung hon. (Romanos 15:⁠4) Ti erfiilung fon tiise profetsiie petayte tas hotich ti kanse xwiirichkheete ferkeen.

Was khomt noo ti letste taache? Kot sayn Raych wërt ti kans mënxheet rechiire. (Mateus 6:⁠9) Mërk wii ti Piipel aus leet wii ti Eyert wërt wën tas pasiirt:

● Tas kept khee hungernoot mee. “Es tuut tan aarich fiil sereaal uf te eyert kepe, un uf te përich xpitse wërt es iwer fiil kepe.” — Salmo 72:⁠16.

● Tas kept khee krankheete. “Un khee pewooner tuut saan: “Ich sin krank.’” — Isaías 33:⁠24.

● Ti Eyert wërt wiiter in ti ray kextelt. “Te tesërt un tas trokne lant fraye sich, un ti fertrokent epnung wërt froo sin un pliie wii te asafraan.” — Isaías 35:⁠1.

Tas sin nuer etliche fon ti uf muutiche piiplixe profetsiie woo sich hotich erfiile. Yeehoowa sayn Tsayer teete tich kërn aus leye warom tas ma wërklich klaape khan tas pesere tsayte hotich khome.