Profetsii 1. Eyertxutere

“Es tuut kroose eyertxutere kepe.” — LUCAS 21:⁠11.

● Winnie, mit een yoer un fier moonate, is raus kehoolt woer unich ti xtike fon samer kerumpelte hayse in Haytii. Een ekip fon Telewisyoon hot se yomere keheert. Tii is am leepe keplipt awer iire eltere net.

WAS TUUT WËRKLICH PASIIRE? Een eyertxuter fon maknituut 7,0 hot Haytii petrof in Yanuer 2010. Mee wii 300 tausent layt sin umkhom. Un 1,3 milyoon layt sin ooner woonung keplip in een xtun tsu ti aner. Opwool te eyertxuter in Haytii seer xtarek waar, waar tas net te eensliche. Too sin noch unkefeer 18 kroose eyertxutere uf ti kans welt pasiirt fon April 2009 pis April 2010.

WAS TUUN ETLICHE TOO KEECHE SAAN? Tas kept hayt net mee eyertxutere wii friier, weeche ti motërn teknoloxii kriit mer ploos mee tsu wise.

XTIMT TAS? Tenk mool: Ti Piipel saat net wii fiil eyertxutere teete pasiire in ti letste taache. Awer tii saat tas “Es tuut kroose eyertxutere kepe, un, uf een plats noom anere”. Tes weeche sin ti eyertxutere eene fon ti sinaale fon ti letste taache. — Marcos 13:⁠8; Lucas 21:⁠11.

WAS MËNST TUU? Kept tas hayt kroose eyertxutere, soo wiis in ti Piipel xteet?

Eyertxutere aleen weere, im xtant, net kenuuch fer pewayse tas mer in ti letste taache leepe. Awer tii sin ploos een fon ti profetsiie woo sich am erfiile sin. Kuk noch een.

[Hooch phunkt uf sayt]

“Meyer [geofisiks] nëne se kroose eyertxutere. Ti anere al nëne se katastroofe.” — KEN HUDNUT, SENTRUM FON GEOLOXIK UNER SUUCHUNG FON NORT AMERIKA

[Reechte iwer ti Pilte]

© William Daniels/​Panos Pictures