Profetsii 3. Krankheete
Profetsii 3. Krankheete
Ti mënxe . . . layte xlime krankheete.” — LUCAS 21:11, Contemporary English Version.
● Bonzali — woo kexaft hot in een puuplix kesuntheet sentrum in een afrikaner lant, woo in xtike kelee hot weeche te kriich — hot ales kemacht fer helfe ti mineratoore fon sayn xtat woo te Marburg-Fiwer hate. * Tee hot fer ti autoriteete fon een kreeser xtat hilef ferlangt, awer hot khee antwort kriit. Fier monete tëm noo, is ti hilef khom, awer tsu xpeet, Bonzali waar kextorep. Tee hot ti krankheet kriit fon ti mineratoore woo eyer rete wolt.
WAS TUUT WËRKLICH PASIIRE? Intsintunge fon luftroe, pronkios un lung (wii lung intsintung), torichfal, HIV/aids, lunge xwintsucht un malaaria sin etliche fon ti xlimste krankheete woo ti mënxe in ti kans welt am meyerst petrëfe. In een fon ti letste yoore sin unkefeer 10,7 milyoone layt kextorep weeche tiise krankheete. Soo khan ma saan, weeche tiise krankheete, in yeete tray sekunte torich tas kanse yoer, is een persoon kextorep.
WAS TUUN ETLICHE TOO KEECHE SAAN? Tas kept imer meer mënxe uf ti welt, soo is es sicher tas es aach mee kranke kept. Too sin mee mënxe woo khene aan kextoch wëre.
XTIMT TAS? Tas kept wërklich fiil mee mënxe. Awer ti mënxe hon aach ferpesert sayn apiliteet fer krankheete raus fine, kontroliire un pehantele. Tan, miste ti krankheete net xweche wëre tas ti mënxe net mee too fon xtërpe praychte? Awer tas is net was pasiirt.
WAS MËNST TUU? Meechte ti mënxe xlime krankheete mit mache soo wiis in te Piipel xteet?
Eyertxutere, hunger un krankheete fernichte milyoone mënxe sayn leepe. Anere milyoone layte wayl anere se ferkweele — oft mools wëre se ferkweelt kraat fon tëne woo se xitse miste. Mërk was ti Piipel saat was pasiire teet.
[Noote]
^ parágrafo 3 Marburg is een wirus wii ebola.
[Hooch phunkt uf sayt]
“Tas weer wërklich xrëklich uf kefrest wëre fon een leep orer een aner tier, awer tas is kraat soo xrëklich wën een tootliche wirus fon inerlich uns uf frest un siin tas es um uns rom pasiirt.” — EPITEMIOLOXIST MICHAEL OSTERHOLM.
[Reechte iwer ti Pilte]
© William Daniels/Panos Pictures