Profetsii 6. Welts preetich aarwayt
Profetsii 6. Welts preetich aarwayt
“Un tiise kuute otere fom Raych wëre uf ti kans pewoont eyert kepreeticht.” — MATEUS 24:14.
● Vaiatea woont wayt weech uf een fon ti insle fon Tuamotu, im Pasifik Osean. Opwool Tuamotu is een krup fon unkefeer 80 insle ferprayt in unkefeer 800 tausent kwatrat khilomeeter, hot ploos unkefeer 16 tausent pewooner. Ale tëm, Vaiatea un iire nochpere sin fon Yeehoowa sayn Tsayer pesuucht kewoer. Warom? Wayl tii wole ti kuute otere fon Kot sayn Raych pekhant mache fer ale mënxe, ekaal woo se woone.
WAS TUUT WËRKLICH PASIIRE? Tas pexeet fom Raych wërt yets xon kepreeticht uf ti kans welt. Nuer in 2010, hon Yeehoowa sayn Tsayer mee wii 1,6 pilyoon xtune penutst fer ti kuute otere fon Kot sayn Raych preetiche in 236 lënter. Tas petayt tas yeete een unkefeer 30 minute yeete taach kepreeticht hot. In ti letste tseen yoore, hon se protutsiirt un aus keteelt mee wii 20 pilyoone puplikatsyoone fer ti Piipel in lërne.
WAS TUUN ETLICHE TOO KEECHE SAAN? Tas piiplixe pexeet wërt xon fon friier aan kepreeticht.
XTIMT TAS? Is woer tas fiil hon xon etwas iwich ti Piipel kepreeticht. Awer ti meyerste hon tas kemacht fer een khorts tsayt un nuer uf etliche plëtse. Yeehoowa sayn Tsayer, in keechen teel, preetiche Kotes Raych fer hunerte milyoone mënxe uf ti kans welt, in een orkanisiirt aat. Tii tuun forem iire preetich aarwayt mache, ale tëm woo xtarke un krope rechiirunge un orkanisatsyoone im mënxlich kexicht sich keeche tëne xteele. * (Marcos 13:13) Un tii mache tiise aarwayt umsonst. Tii tuun iire tsayt fraywilich penutse un puplikatsyoone aus teele oone kelt ferlange. Ti aarwayt wërt kextitst torich fraywiliche kontripuytsyoone.
WAS MËNST TUU? Wëre ti “kuute otere fom Raych” kepreetich uf ti kans welt? Meecht ti erfiilung fon tiise profetsii petayte tas hotich pesere tsayte khome?
[Noote]
^ parágrafo 6 Fer mee se wise, kuk tiise tokumentaare fiilme: “Fiéis sob Provas”, “Triângulos Roxos” e “As Testemunhas de Jeová Resistem ao Ataque Nazista”, aus keteelt fon Yeehoowa sayn Tsayer.
[Hooch phunkt uf sayt]
“Soo lang wii Yeehoowa lost, tuun mer wayter flaysich ti kuute otere fom Kotes Raych preetiche, un ales mache was meechlich is fer ti layt tas pekhant mache.” — ANUÁRIO DAS TESTEMUNHAS DE JEOVÁ DE 2010.