Xwiirichkheete woo tsu hofnung nëme

“Tas es in te letste taache kritixe tsayte kept, woo xweyer weere fer um keen.” — 2 TIMÓTEO 3:⁠1.

HOST tuu xon keheert iwich etliche fon tiise xrekliche tinge orer soo was mit kemacht?

● Xlime krankheete woo fiil layt tsum toot nëme.

● Hunerte layt woo xtërpe weeche hungernoot.

● Eyertxuter macht toot tausente layt un fiil plaype oone woonung.

In ti neekste sayte, siist tuu etliche woerheete iwich tiise xwiirichkheete woo wërklich triwer tenke mache. Un aach, tas ti Piipel in foer raus kesaat hot was pasiire teet in ti tsayt woo kenënt is “ti letste taache”. *

Te opjetiiw fon tiise artikele, is net tich klaape mache tas mer in een welt fol mit xwiirichkheete leepe. Tas host tuu sicher xon kemërekt. Tii sin kexrip kewoer fer tich hofnung kepe un tsayche tas ti erfiilung fon ti neekste seks profetsiie petayt tas ti “letste taache” ticht am ën sin. Tiise sekwëns tsaycht aach tas etliche layt etwas too keeche xpreche un aach pewayse tas ma klaape khan tas etwas peseres hotich khomt.

[Noote]