Fiile layt tenke tas te Kerichts Taach is soo wii tas pilt tsaycht, too in te rechts sayt. Tii tenke tas pilyoone seele wëre foer Kot sayn troon kenom un tas se kericht wëre tëm noo was se friier kemacht hate — etliche wëre peloont fer im himel se leepe, un anere wëre in een fayer hel kekweelt. Awer, ti Piipel tsaycht tas tas opjetiiw fom Kerichts Taach is ti layt fon te unkerechtichkheet pefraye. (Psalm 96:13) Kot hot Yeesus wii Richter in kextelt tas eyer khan ti kerechtichkheet tsurik tsu te eyert pringe. (Lees Isaiias 11:1-5; Aphostele sayn Kexicht 17:31.)

Wën te eyerste man, Aatam, sich fer kërn keeche Kot repeliirt hot, hot eyer sint, xwiirichkheete un toot tsu al sayn nookhomer keprung. (Romaaner 5:12) Fer tiise unkerechtichkheet korikiire, tuut Yeesus pilyoone layt woo xon kextorep sin, tsurik tsum leepe pringe. Tas puuch Apokalipsis tsaycht tas es pasiire tuut torich Yeesus Kristus sayn tausent yoore rechiirung. (Lees Apokalipsis 20:4, 11, 12.)

Tii woo uf keruuft wëre, wëre net kericht tëm noo was se kemacht hon foer se xtërpe. Tii wëre kericht tëm noo was se mache wën ti naye oryentiirunge fon te “role”, woo in Apokalipsis 20 xteen, ketsaycht wëre. (Romaaner 6:7) Te aphostel Phaul hot aus keleet tas tswixich tii woo uf keruuft wëre un woo ti keleechenheet kriin fer iwer Kot lërne, sin ‘ti kerechte un ti unkerechte’ tepay. (Lees Aphostele sayn Kexicht 24:15.)

Ti layt woo kextorep sin un nii een oportuniteet hate fer Yeehoowa khëne lërne un sayn tiiner sin, tuun ti xans kriin fer sich ënere un tas kuutes mache. Wën se tas kuutes mache, wërt sayn ufxtaye “een ufxtaye fers leepe”. Awer, net al woo uf xtaye, tuun Yeehoowa sayn kesetse aan nëme. Tëne sayn ufxtaye wërt “een ufxtaye fers kericht” sin. (Lees Yoohan 5:28, 29; Isaiias 26:10; 65:20.)

Am ën fom Kerichts Taach, woo 1.000 yoore hot, wëre ti mënxe xon perfekt weeche Yeehoowa sayn hilef. (1^te Korinter 15:24-28) Was fer een xeen hofnung fer ti foliche mënxe, kël? Yeehoowa tuut tan een letst proop mache: Tee tuut Satanaas, te Taywel, fon een tiif loch pefraye. Tee waar xon tat 1.000 yoore kewees. Satanaas tuut noch mool fersuuche ti layt fon Yeehoowa ap lënke. Awer tii woo troy uf Yeehoowa sayn sayt plaype, tuun tas eewiche leepe too uf te eyert kriin. (Lees Isaiias 25:8; Apokalipsis 20:7-9.)

Ti Piipel nënt aach wii “kerichts taach” te kriich woo tsum ën pringt ti welt hayt. Tiise kerichts taach khomt in een xtun woo mer net waarte, soo wii ti Sintfluut in Noee sayn taache, woo ti kanse xlechte mënxe fernicht hot. Klaych, wëre ti xlechte layt fernicht un tas tuut te weech uf mache tas ti kuute mënxe khene mit kerechtichkheet leepe. (Lees 2^te Pheeter 3:6, 7, 13.)