“Meyer sin net iwer eens khom op mer sole Kot sayne naame penutse orer net, un wën mer sole, was fer naame tas is.” — Leerer David Cunningham, Theological Studies.

Kot saat: “Ich sin Yeehoowa. Tas is mayn naame.” (Isaiias 42:8) Yeehoowa is een hepreeyxe naame woo petayt “Ich Wëre was Ich Wëre Wil.” — Kuk te Apêndice A4, fon te Tradução do novo Mundo.

Yeehoowa wil tas mer sayne naame penutse sole. Ti Piipel saat: “Ruuft sayne naame aan. Macht unich ti foleke sayn hantlunge pekhant. Macht pekhant wii kroos sayne naame is.” — Isaiias 12:4.

Yeesus hot Kotes naame penutst. Un in een kepeet tsu Yeehoowa hot tee kesaat: “Ich hon tëne [Yeesus sayn tisipele] tayn naame pekhant kemacht un wëre tee noch pekhant mache.” Warom hot Yeesus Kotes naame pekhant kemacht fer sayn tisipele? Tee selepst leet aus: “Tas mit ti liip woos tuu mich keliipt host in tëne is, un ich in eenichkheet mit tëne.” — Yoohan 17:26.

“Weyer Kot net mit naame khënt, khënt tee wërklich net wii een persoon”, xraypt te leerer Walter Lowrie, “un weyer tee khënt ploos wii een unpersoonlich kraft, khan tee net liipe.”

Victor is yeete woch in te khërich kang, awer tas waar tëm aan tas eyer Kot wërklich net khëne teet. Tee saat: “Tan, hon ich kelërnt tas Kot sayn naame Yeehoowa is, un tas waar als wii ich tee fer tas eyerste mool khëne teet. Als wën ich hët ëntlich tee khëne kelërnt woo ich soo fiil triwer keheert hat. Yets is Kot fer mich wërklich wii een persoon un een fraaynt fer mich.”

Un Yeehoowa, is ticht pay tëne woo aan sayne naame tenke. Fer tëne ferxprecht eyer: “Ich wëre mitlaytich sin mit tëne soo wii een man mitlaytich is mit sayne soon woo iim tiint.” (Malakias 3:16, 17) Un Kot peloont tii woo sayne naame aan ruufe. Ti Piipel saat: “Al tii woo Yeehoowa sayn naame aan ruufe, wëre keret”. — Romaaner 10:13.