Informatsioone fer tii woo te konkrës pesuuche
SPETSIAALE FERSAMLUNGE
XUUL FER PREETICHER FOM RAYCH CT80Pioneere woo tswixich 23 un 65 yoere alt sin, woo mee im tiinst wole mache, sin fer een fersamlung fer kantitaate fer ti Xuul fer Preeticher fom Raych, in kelaat, woo am suntaach mitaach kehal wërt. Te plats un ti uertsayt fon tiise fersamlung wëre foer hëyer aan këp.
PETËL TIINTS CT80Yeete ketaafte preeticher woo 35 yoer alt is, orer yingere, woo in Petël tiine wil, khan in ti fersamlung khome. Tiise fersamlung wërt fraytaach mitaach kehal. Te plats un ti uertsayt wëre foer hëyer aan këp.
INFORMATSIOONE FER TI KONKRËS PESUUCHER
APTEELUNG FER KEFUNTNES UN FERLOERNES CT80Ales was kefun këpt, sol tsu te Apteelung fon Kefuntnes un Ferloernes kenom wëre. Wëns tuu was ferloer host, kee tsu tiise apteelung un suuch was teer keheert. Ferloerne khiner sole tsu tiise apteelung kenom wëre, awer, mer thërf nët mëne tas tas een khiner kaate is. Phas tayn khiner kuut uf un tuu se pay teer hale.
TAAF Ti sitse woo reserwiirt sin fer tii woo sich taafe lose wole, sin ufm haupste plats foer tëm palk. Tii woo sich taafe lose, sole sich uf ti reserwiirte sitse sëtse eep ti taaf reet, am samstaach moynt, aan fangt. Al sole sayn paat tuuch un kexayt paat tsaych pringe.
SITSE Pite, tënk aan ti anere. Tuu khanst ploos plëtse reserwiire fer tii woo mit teer im khare reese, in tayn haus woone, orer fer tayn Piipel xtutënte. Tuu niks uf te sitse um tich rom lëye.
KONTRIPUYTSIOONE Tas hot fiil khost fer te konkrës in se richte, mit kexayte sitse, autio sisteem un fiil anere tings. Soo, khëne mer uns fraye too se sin, un tas hëleft uns ticht pay Yeehoowa khome. Tayn kontripuytsioone hëlfe ti khoste se petsaale un tuut ti preetich aarwayt in te kans wëlt mit hëlfe. Fer tas, këpts kontripuytsioons khaste in fiil xtële fom konkrës plats, woo taytlich itentifitsiirt sin. Yeete kontripuytsioon hot fiil wëyert, un ti Rechiirente Khërperxaft wil teer tanke fer tayn hilef fer ti interëse fon Kot sayn Raych mit hëlfe.
INTIKATOORE Ti intikatoore sin too fer ti pesuucher se hëlfe. Tuu tëne sayn orientiirunge aan nëme iwer plëtse reserwiire, uf tëm plats laafe, plëtse fer khare hin xtële un anere tings fom konkrës.
ËYERSTE HILEFE Piite, eriner tich: penuts tii PLOOS wëns NOOTWËNTICH is.
FRAYWILICH TIINST Wëns tuu tich fraywilich aan piite wilst fer im konkrës se hëlfe, tuu tich in tiise apteelung aan këpe.
Organizado pelo Corpo Governante das Testemunhas de Jeová
