IN TE tsaytung, telewisioon orer raatio tuust tuu fiile noorichte iwer kriminaliteet, kriiche un terorismus heere un siin. Fiilaycht tuust tuu sëlepst was xlimes mit mache, wii een krankheet orer yemant woos tuu liipst is kextorep.

Froo tich:

• Is tas was Kot fer mich un mayn familye wil?

• Woo khan ich hilef fine fer mit mayn propleeme um se keen?

• Meechts eene taach woere friite këpe?

Ti Piipel këpt tsufriitiche antworte fer tiise frooche.

• Ti layt tuun nëme phayn xpiire, alt këpe orer xtërpe. (Apocalipse 21:4)

• “Ti laame tuun wii een ree hupse.” (Isaías 35:6)

• “Ti aue fon te pliinte tuun uf keen.” (Isaías 35:5)

•  Ti toote wëre tsurik ins leepe keprung. (João 5:28, 29)

• Nimant wërt mee krank. (Isaías 33:24)

• Ale uf te ëyert tuun aarich fiil ëse hon. (Salmo 72:16)

Fiilaycht tënkst tuu tas was tuu in te ëyerste sayte keleest host, ploos een traam is. Awer Kot hot ferxproch tiise ënerunge in khorts tsayt uf te ëyert se mache un ti Piipel leet aus wii ëyer tas macht.

Ti Piipel macht mee wii tas un saat uns was mer wise mise fer wërklich froo sin un wii mer hayt xon een pëser leepe hon khëne. Iwer was fer tinge tuust tuu teer ketanke mache. Iwer këlt, familye, krankheete orer te toot fon yemant woos tuu liipst? Ti Piipel khan tich hëlfe mit tiise propleeme um se keen un tich treeste. Tii tuut frooche antworte wii tsum payxpiil:

• Warom tuun mer eelent mit mache?

• Wii khëne mer mit unsere propleeme um keen?

• Khan unser familye froo sin?

• Was pasiirt mit uns wën mer xtërpe?

• Meechte mer noch mool unser familye un froynte woo kextorep sin, siin khëne?

• Warom khëne mer sicher sin tas Kot sayn ferxprëche erfiile tuut?

 Wën tuu tas puuch leest, tuust tuu tsayche tas tuu wise wilst was ti Piipel in lërnt. Tas puuch tuut tich hëlfe. Es këpt frooche fer ti apsëtse, woo tich hëlfe ti Piipel pëser se ferxteen. Milioone layt tuun kërn mit Yeehoowa sayn Tsayer ti Piipel xtutiire. Mer hofe tas tuu es aach kuut finst un tas Kot tich seechne tuut wiis tuu raus finst was ti Piipel tich in lërne khan!