Meyer al mise kelt hon fer ti neetichkheete fon unser familye fersoriche. (Xpriiche 30:8) Ti Piipel saat tas “tas kelt een xuts is”. (Eklesyastes 7:12) Im xtant, khan es xweyer sin fer een pheyerche iwer kelt fertseele, awer lost net tas tas kelt een uersach wërt fer tsënkeray in te hayrat hon. (Ëfeser 4:32) Wën teyer pleent wii tas kelt penutse, mist teyer eene aan te anere traue un aych naner helfe.

WAS TI PIIPEL SAAT: “Weer fon aych woo een thorm uf paue wil, tuut sich net eyerst hin setse un noo rechne was tas khost, fer se siin op eyer kenuuch hot fer tas fërtich paue?” (Lukas 14:28) Es is aarich wichtich tas teyer mitsamer pleent wii teyer ayer kelt penutst. (Amoos 3:3) Tuut triwer fertseele was teyer khaafe praycht un wii fiil kelt teyer aus kepe khent. (Xpriiche 31:16) Kelt hon fer aus kepe, wil net saan tas teyer tas wërklich aus kepe mist. Wëns net nootwëntich is, macht khee xulte, wii kelt fon een pank orer fon een persoon poriche orer tinge khaafe woos tuu in teele petsaalst. Tuut ploos tas kelt aus kepe woo teyer hot. (Xpriiche 21:5; 22:7)

WAS KHANST TUU MACHE?

• Wën kelt am ën fom moonat iwrich playpt, fertseelt mitsamer was teyer mit tëm mache wolt.

• Wën kelt feele teet, tuut pleen mache fer weenicher aus kepe. Tsum payxpiil, xtats fërtich ese khaafe, tuut tehëm khooche.

WAS TI PIIPEL SAAT: ‘Meyer tuun tas ales eerlich uf phase, net ploos foer Yeehoowa sayn aue, awer aach foer ti mënxe sayn aue.’ (2 Korinter 8:21) Tuu must eerlich mit tayne man orer tayn fraa fertseele iwer wii fiil kelt teyer kriit un aus kept.

Xprech imer mit tayne man orer tayn fraa eeps tuu etwas wichtiches orer tayeres khaafe wilst. (Xpriiche 13:10) Wën teyer aych kuut ferxteet iwer was mim kelt mache, tas heleft te friit in ayer hayrat hale. Siit tas kelt woo teyer kriit net wii “mayn kelt” orer “tayn kelt”, awer wii “unser kelt”. (1 Timoteus 5:8)

WAS KHANST TUU MACHE?

• Xprecht iwer wii fiil kelt yeete eene fray aus kepe khan.

• Waart net pis een propleem foer khomt fer tan iwers kelt xpreche.