TEEL 4
Tii hon Satanaas aan keheert — was is pasiirt?
Aatam un Eva hon Kot nët aan keheert, tës wëche sin se kextorep. Gênesis 3:6, 23
Eva hot ti xlang aan keheert un hot fon te frucht kës. Nochter, hot se tëm Aatam tefun këp, un ëyer hots aach kës.
Was tii kemacht hon waar ferkheert – tas waar een sint. Kot hot se fom Paratiis raus kexikt.
Tas leewe is xweer këp fer tii un sayn khiner. Tii sin alt këp un kextorep. Tii sin uf khee plats khom. Tii eksisteere nimer.
Ti toote sin wii xtaap: tii hon khee leewe. Gênesis 3:19
Mëyer xtërpe wayl mëyer al fon Aatam un Eva hëyer khom sin. Ti toote khëne niks siin, heere un niks mache. — Eclesiastes 9:5, 10.
Yeehoowa wolt nët hon tas ti layt xtërpe solte. In khorts tsayt, këpt Ëyer tas leewe tsurik fer tii woo im toot laye. Wën se Kot aan heere, tuun se fer imer leepe.
Fiilaycht tuust tuu aach kërn hon
WICHTICHE PIIPLIXE INLËRNUNGE
Was pasiirt wën mer xtërpe?
Ti Piipel ferxprëcht een tsayt woo fiile layt uf keruuf fom toot wëre, soo wii Laasaro waar.
WICHTICHE PIIPLIXE INLËRNUNGE
Warom lost Kot ti traurichkheet pasiire?
Fiil tuun sich frooe warom soo fiil wuut un traurichkheet uf ti wëlt is. Ti Piipel këpt uns ti antwort woo uns treest un tsufriite lost.
