TEEL 5
Ti kroos Sintfluut — weer hot aan keheert? Weer hot nët aan keheert?
In Noee sayn tsayt, hon ti mëyeste layt xlëcht tings kemacht. Gênesis 6:5
Aatam un Eva hon khiner kriit un too hots fiile layt këp. Phaar ëngele hon sich pay Satanaas kextëlt un sin uf ti Ëyert khom.
Ti ëngele hon sich mënxliche khërwer kemacht un hon sich mit fraae ferhayrat. Ti fraae hon khiner kriit woo aarich kroos, xtarek un krop waare.
Ti wëlt is fol layt këp woo xlëcht tings kemacht hon. Ti Piipel saat tas ‘ti xlëchtichkheet fom mënx kroos waar uf te Ëyert un ale sayn ketanke imer xlëcht waare.’
Noee hot Kot aan keheert un hot een Arich kepaut. Gênesis 6:13, 14, 18, 19, 22
Noee waar een kuute man. Yeehoowa hot fer Noee kesaat tas Ëyer ti xlëchte layt mit een kroos Sintfluut fernichte teet.
Kot hot aach fer Noee kesaat tas ëyer een Arich, een kroos xif paue solt, wii een khaste, fer sayn familye un ale sorte fii rin se tuun.
Opwool Noee ti layt fon te Sintfluut wise kelos hot, hon tii tee nët aan keheert. Phaar hon tee aus kelacht un anere hon wuut fon tëm kehat.
Wii ti Arich fërtich waar, hot Noee tas fii rin ketuun.
