TEEL 7
Weer waar Yeesus?
Yeehoowa hot Yeesus uf ti Ëyert kexikt. 1 João 4:9
Wën mëyer Yeehoowa tsufriite lose wole, mise mëyer een anere important persoon aan heere. Lang tsayt eep Yeehoowa Aatam kemacht hot, hot Ëyer eene mëchtiche ëngel im himel kemacht.
Mit te tsayt, hot Yeehoowa te ëngel uf ti Ëyert kexikt. Soo is Yeesus in Petleheem uf ti wëlt khom, fon een meete, Maria. — João 6:38.
Too, uf te Ëyert, waar Yeesus kraat soo kuut un liip wii Yeehoowa. Tës wëche wolte ti layt kërn pay tëm plaype. Mit koraaj hot ëyer ti woerheet iwer Yeehoowa kepreeticht.
Yeesus hot imer kuutes kemacht, awer fiile hate wuut fon tëm. 1 Pedro 2:21-24
Ti relichioons xëfe waare xlëcht un hon keloo. Tii hon wuut fon Yeesus kehat wayl ëyer ti woerheet iwer se kesaat hot.
Yeesus hot ti kranke kesunt kemacht un ëtliche layt woo toot waare ufkeruuft.
Ti relichioons xëfe hon ti romaaner ufkehëtst fer Yeesus se ferxlaan un um se pringe.
