LISIOON 10
Wii khanst tuu ti woere relichioon fine?
1. Kepst ploos een woere relichioon?
“Phast uf mit ti falxe profeete.” —MATEUS 7:15.
Yaa. Ti woere relichioon is tii woo Yeesus in kelërnt hot. Tee saat tas tiise relichioon is wii een weech woo nëmt tsum eewich leepe, awer weenich teete te fine. (Mateus 7:14) Weer Kot kefale wil mus mache was ti Piipel saat. Tan ti woere aanpeeter hon een eensiche klaape. Lees João 4:23, 24; 14:6; Efésios 4:4, 5.
Kuk te wiiteo Meecht Kot al ti relichioone aan nëme?
2. Meechte ti kanse kriste relichioone ti woerheet in lërne?
“Tii saan tas se Kot khëne, awer mache net was tee wil.”—TITO 1:16.
Nee. Yeesus hot kexproch fon falxe profeete woo liieray in lërne. Tas khan soo kaar aus siin tas tii Kot sayn wile mache. Tii saan tas se Yeesus noo keen. Awer, wii khëne mer wise op tas wërklich woer is? Mer mise mërke op se mache was Yeesus saat. Lees Mateus 7:13-23.
3. Was tsaycht weer ti woere kriste sin?
Wole mer siin finef tinge woo ti layt fon ti woere relichioon mache:
-
Ti klaape tas ti Piipel Kot sayn Wort is. Tii xtrënge sich aan fer ti piiplixe aanreete aan heere un net mënxliche kepoote. (Mateus 15:7-9) Weer in te woere relichioon is, lërnt un macht was ti Piipel saat. Lees João 17:17; 2 Timóteo 3:16, 17.
-
Eere un mache pekhant Kot sayn naame, Yeehoowa. Yeesus hot Kot sayn naame eere kep un pekhant kemacht. Tee hot iwich Kot in kelërnt un im kepeet Fater Unser kesaat: “Tayn naame sol kehaylicht wëre.” (Mateus 6:9) Woos tuu woonst, weer macht Kot sayn naame pekhant? Lees João 17:26; Romanos 10:13, 14.
-
Preetiche iwich Kot sayn Raych. Yeesus hot ti layt in kelërnt iwich kuute tinge woo Kot sayn Raych mache tuut. Ploos tiise Raych khan ti mënxe sayn xwiirichkheete am ën mache. Yeesus hot iwich tas kexproch pis te taach fon sayne toot. (Lucas 4:43; 8:1; 23:42, 43) Tee hot sayn tisipele kexikt aach iwich tiise Raych preetiche. Weer macht tas hayt? Lees Mateus 24:14.
-
Yeesus sayn tisipele hon khee teel in ti xlëcht welt. Tii tuun sich net in ti politik un in sosiaal konfliite rin mexe. (João 17:16; 18:36) Un noch, tii mache net ti xlechte tinge fon te welt noo. Lees Tiago 4:4.
-
Tii hon een xtarek liip unich sich. Tii hon kelërnt in te Piipel ale sorte layt respektiire. Ti falxe relichioone tuun fiil mools ti kriiche xtitse, awer ti woere aanpeeter tuun tas net mache. (Miqueias 4:1-3) Ti woere kriste penutse iire tsayt un kelt fer ti anere helfe. Lees João 13:34, 35; 1 João 4:20.
4. Khanst tuu ti woere relichioon erkhëne?
Was fer relichioon macht was ti Piipel saat? Macht Kot sayn naame pekhant? Lërnt in tas ploos Kot sayn Raych khan ti mënxe sayn xwiirichkheete am ën mache? Was fer krup hot liip uner sich un macht net teel im kriich? Was mënst tuu? Lees 1 João 3:10-12.
