LISIOON 7
Was is Kot sayn Raych?
1. Was is Kot sayn Raych?
Warom is Yeesus te richtiche kheenich? — MARCOS 1:40-42.
Kot sayn Raych is een rechiirung im himel. Kot tuut tiise rechiirung penutse fer sayn wile hiir uf te Eyert mache soo wii im himel. Tas is ti rechiirung woo mer prayche. Hatich, tuut eyer sich uf tas plats xtele fon te rechiirunge woos hayt kept un macht tas ti mënxe al sich eenich sin. Tas is een kuut notisye, kël? Lees Daniel 2:44; Mateus 6:9, 10; 24:14.
Yeete Raych mus een kheenich hon. Yeehoowa hot sayne Soon, Yeesus Kristus, raus kesuucht fer Kheenich fon tiise Raych sin. Lees Apocalipse 11:15.
Kuk te wiiteo Was is Kot sayn Raych?
2. Warom is Yeesus te richtiche Kheenich?
Yeesus is te richtiche Kheenich wayl eyer kuut is un macht was richtich is. (Mateus 11:28-30) Un noch, tee hot macht fer ti layt helfe wayl eyer fom himel aan rechiire tuut. Wii eyer noch mool im himel kang is, hot eyer kewaart pis ti tsayt khom is fer Kheenich wëre. (Hebreus 10:12, 13) Awer yets rechiirt eyer xon im himel un hot ti macht kriit fer ti kans Eyert rechiire. Lees Daniel 7:13, 14.
3. Weer tuut mit Yeesus rechiire?
Kot tuut een krup layt raus suuche fer mit Yeesus rechiire im himel. Ti Piipel nënt tiise krup wii “hayliche”. (Daniel 7:27) Yeesus sayn troye aphostele waare ti eyerste woo raus kesuucht kep sin. Yeehoowa tuut noch mëne un fraae raus suuche fer teel mache in tiise krup. Noo iire toot, tuun se uf keruuft wëre fer im himel leepe. Lees João 14:1-3; 1 Coríntios 15:42-44.
Wii fiil layt tuun teel mache in tiise krup? Yeesus hot tiise krup kenënt “kleene trop”. (Lucas 12:32) Im kansem, sin tas 144 tausent layt woo mit Yeesus ti Eyert rechiire tuun. Lees Apocalipse 14:1.
4. Was hot Yeesus kemacht wii eyer Kheenich kep is?
Tas eyerste woo Yeesus kemacht hot waar te Taywel un ti xlechte ëngele fom himel raus xmayse. Tas is pasiirt in 1914. * Te Taywel is aarich wuutich kep un hot aan kefang fiil xwiirichkheete uf ti kans Eyert pringe. (Apocalipse 12:7-10, 12) Fon tat aan, is ales xlimer kewoer. Hayt kepts hungernoot, kriiche, krankheete un eyertxutere. Tiise tinge tsayche tas ti tsayt fer Kot sayn Raych ti Eyert rechiire ticht is. Lees Lucas 21:7, 10, 11, 31.
5. Was tuut Kot sayn Raych hayt mache?
Torich een welt preetich aarwayt, tuut tiise Raych fiil layt helfe lërne iwich Kot sayn Wort. In te kans welt milioone layt xtitse tiise rechiirung. Tiise layt sin eenich un tuun te Kheenich Yeesus aan heere. Tii wëre kexitst wën Kot sayn Raych ti xlechte fernichte tuut. Ale woo wole kexitst sin mise Yeesus aan heere. Lees Apocalipse 7:9, 14, 16, 17.
Kot tuut sayn Raych penutse fer mache was eyer am aanfang kepleent hot. Noo tausent yoer wërt ti kans Eyert een paratiis. Tan, tuut Yeesus te Raych ap kepe aan sayne Fater. (1 Coríntios 15:24-26) Khënst tuu yemant woo teet kërn tiise kuute notisye se wise kriin? Lees Salmo 37:10, 11, 29.
^ parágrafo 6 Fer peser ferxteen ti piiplix profetsii iwich tas yoer 1914, kuk im puuch Was khan ti Piipel uns in lërne? sayte 217-220.
