Sicher, was tuu xon pis yets fon te Piipel kelërnt host, hot tayn liip tsu Yeehoowa ferkreest. Awer fer tiise liip imer kreeser wëre, must tuu wayter ti Piipel lërne. (1 Pedro 2:2) Tuu khanst fer imer leepe, wëns tuu tayn froyntxaft mit Yeehoowa ferxtërkst. Lees João 17:3; Judas 21.

Soo fiil mee wiis tuu iwich Kot lërnst, soo fiil xtërke wërt tayne klaape un tas heleft tich mache was Kot kefalt. (Hebreus 11:1, 6) Tan lost tuu noo se mache was ferkheert is un fangst aan se mache was richtich is. Lees Atos 3:19.

Ale kaar tuun kërn kuute notisye kepe. Sicher, wilst tuu aach fertseele fer anere iwich ti kuute notisye woo Yeehoowa hot. Tas tuu tsayche khanst was tuu kelërnt host, thërfst tuu net noo lose ti Piipel lërne. Lees Romanos 10:13-15.

Ti meyeste fange aan se xpreche mit sayn familye un froynte. Awer xprech mit kexik un respëkt, saa net klaych tas tëne sayne klaape ferkheert is. Xprech noore iwich ti kuute tinge woo Kot mache wil. Un erinert tich tas ti layt mee acht kepe tsu was tuu machst wii tsu was tuu saast. Lees 2 Timóteo 2:24, 25.

Tayn froyntxaft mit Yeehoowa wërt xtërke wëns tuu forem ti Piipel lërnst. Tuu khanst soo kaar tsu Yeehoowa sayn familye keheere. Tas is wërklich was xeenes, mënst tuu net? Lees 2 Coríntios 6:18.

Tas eyerste is noch mee iwich ti Piipel lërne. (Hebreus 5:13, 14) Tuu khanst ferlange tas een fon Yeehoowa sayn Tsayer wayter tich ti Piipel in lërnt mim puuch Was khan ti Piipel uns in lërne? Soo fiil mee wiis tuu iwich Kot lërnst soo fiil peser wërt tayn leepe. Lees Salmo 1:1-3; 73:27, 28.

Ti kuute notisye khome fon Yeehoowa, te frooer Kot. Fer Tëm sayn froynt sin is es wichtich tas tuu uf te fersamlunge keest. (Hebreus 10:24, 25) Un wëns tuu tich aan xtrëkst fer Yeehoowa kefale, khanst tuu tas woere leepe kriin — tas eewich leepe. Ticht pay Kot sich hale is wërklich tas peste was tuu mache khanst. Lees 1 Timóteo 1:11; 6:19.