Tënk aan tayne opjetiiw. Wilst tuu etwas pekhant mache, ti layt in reete orer uf muute? Tuu aan tas tënke wëns tuu tayn reet uf sëtst un say tich sicher tas ti kanse haupste phunkte tich hëlfe tsum opjetiiw se khome.

Tsaych taytlich tas theema. In tayn reet, khanst tuu tas mache wëns tuu ti haupste wërter fom theema noch mool saast orer wëns tuu anere wërter woo tas sëlwiche petayte, penutst.

Los ti haupste phunkte taytlich fer se ferxteen. Suuch ti haupste phunkte raus woo se tuun hon mim theema un phast uf tas tuu nët iwich ti tsayt khomst fer tas foer xtële. Penuts nët soo fiil haupste phunkte. Xprëch iwich eene phunkt un tan mach een khorts phause eeps tuu tsu te anere phunkt keest.