Tuu tich kuut foer soriche. Xtutiir kuut te sache fer se ferxteen was ti haupste itee sin un wii ti tëkste tiise itee pewayse. Tuu ti haupste phunkte in een keweenliche aat un mit weenich wërter aus xprëche. Tënk wii te sache ti layt hëlfe khan. Eeps tuu aan fangst, peet un ferlang hayliche kayst.

Tuu wërter raus suuche woo sicherheet tsayche. Xtats ploos leese was kexrip is, tuu mit tayn aychne wërter xprëche. Penuts wërter woo pewayse tas tuu tich sicher pist iwich was tuu saast.

Tsaych tas tuu tich sicher pist. Wëns neetich is, khanst tuu een pisye hërte xprëche. Kuk ti layt aan wëns tuu xprëchst.