Tuu peete un tich kuut foer soriche. Tuu peete tas tuu tich aan tas pexeet halst un nët aan ti wërter woos tuu xprëche wilst. Tuu ploos in te ketanke ti haupste phunkte hale. Wëns tuu xprëchst, say natiirlich, mach tas nët in een aat soo wii wëns tuu leese teest, wort noo wort.

Tayn wërter sole fom hërts khome. Wëns tuu acht tsu tas pexeet këpst un wii tas ti layt hëlfe khan, tuust tuu tas natiirliche mache. Ti layt tuun tan mërke tas tuu froyntlich un eerlich mit tëne pist.

Kuk ti layt aan. Wëns tuu xprëche tuust, kuk te persoon aan. Wëns tuu een reet halst, këp nët ploos een aue plik iwer al, awer kuk yeetes mool ploos eene aan.