Penuts informatsioone woos tuu pewayse khanst. Was tuu xprëchst, sol sich aan Kot sayn Wort hale un wën tas meechlich is, lees es in te Piipel. Wëns tuu siëntifixe sache, noorichte, een kexicht orer een aner informatsioon penutst, say tich sicher tas tas woer un aktual is.

Tuu nët ti informatsioone ënere. Lee te tëkst aus soo wii ti Piipel un ti puplikatsioone fon te “troy un ferninftiche sklaaw” tas aus lëye. (Mat. 24:45) Wëns tuu anere informatsioone penutse tuust, tuu nët ënere was kexrip is.

Penuts ti informatsioone woo ti layt noo tënke mache. Noo tëm woos tuu een tëkst leest orer een informatsioon penuts, mach frooche, këp payxpiile orer penuts informatsioone tas ti layt aus sich sëlepst too tehiner khome.