Suuch keweenliche ilustratsioone raus. Mach wii Yeesus: penuts keweenliche tinge fer xwëyere tinge aus se lëye. Tuu nët ti ilustratsioone xwëyer lose mit kleenichkheete woo nët neetich sin. Tënk: ‘Tuut ti ilustratsioon wërklich phase mit te phunkt woo ich in lërne wil?’ Kleenichkheete woo niks mit te phunkt se tuun hon, khëne ti layt konfus lose.

Tënk aan te layt. Tuu ilustratsioone raus suuche woo se tuun hon, mit ti layt sayn aktiwiteete un interëse. Phas uf tas tayn ilustratsioone nimant ferxeemt orer pelayticht.

Hal tich aan te wichtiche phunkt. Penuts ilustratsioone fer wichtiche phunkte in lërne, nët ti kleenichkheete. Ti layt sole sich nët ploos aan ti ilustratsioon erinere awer aach was tuu mit tiise ilustratsioon in kelërnt host.