KEXPREECHE AAN FANGE
LISYOON 3
Say fraayntlich
Printsipyum: “Ti liip is ... kuut.” (1 Kor. 13:4)
Was hot Yeesus kemacht?
1. Kuk te WIITEO orer lees Yoohan 9:1-7. Nochter, tuu tiise frooche antworte:
-
Was hot Yeesus tsu eyerst kemacht: te man keheelt orer iwer ti kuute notisye mit tëm kexproch? (Kuk Yoohan 9:35-38.)
-
Tas was Yeesus kemacht hot, hot te man wilicher kelos fer ti kuute notisye heere. Warom?
Was khene mer fon Yeesus lërne?
2. Te persoon wërt wilicher fer ti woerheet heere wën tee xpiirt tas mer uns mit tëm khimere.
Mach Yeesus noo
3. Tsaych empatii. Fersuuch tich foer xtele wii te persoon sich xpiirt.
-
Froo tich: ‘Iwer was tuut te persoon sich fiilaycht ketanke mache? Was meecht te persoon nutslich un interesant fine?’ Tiise frooche tuun tich helfe in een natiirlich un eerlich aat fraayntlich sin.
-
Heer te persoon. Soo, tsaychst tuu tas tuu tich khimerst mit was fer tëm important is. Wën een persoon tich saat wii tee sich iwer etwas xpiirt orer xprecht iwer een propleem woo tee am mit mache is, tuu net iwer was aneres fertseele.
4. Tuu fraayntlich un mit respekt xpreche. Wëns tuu mitlayt fer te persoon tsaychst un tëm wërklich helfe wilst, tuut eyer tas mërke in te aat wiis tuu xprechst. Tes weeche, tuu tayn wërter kuut raus suuche un tuu te thoon fon tayn xtim uf phase. Un noch, saa net etwas woo te persoon pelaytiche khan.
5. Say fërtich fer hilef kepe. Kuk ops tuu te persoon in praktix aat helfe khanst, wën tas in te momënt kuut phast. Wën mer praktix hilef kepe, khan tas ti teer uf mache fer een kexpreech aan fange.
