KEXPREECHE AAN FANGE
LISYOON 6
Say koraajich
Printsipyum: ‘Meyer hon, mit Kot sayn hilef, koraaj ketsaycht fer ti kuute notisye fer aych saan.’ (1 The. 2:2)
Was hot Yeesus kemacht?
1. Kuk te WIITEO orer lees Lukas 19:1-7. Nochter, tuu tiise frooche antworte:
Was khene mer fon Yeesus lërne?
2. Meyer prayche koraaj hon fer tas pexeet fom Raych mit ale sorte layt teele.
Mach Yeesus noo
3. Trau uf Yeehoowa. Kot sayn kayst hot Yeesus ti kraft kep fer se preetiche, un tiise selwiche kayst khan tich aach kraft kepe. (Mat. 10:19, 20; Luk. 4:18) Wëns tuu pang host fer iwer ti Piipel mit yemant xpreche, ferlang im kepeet tas Yeehoowa tich koraaj kepe sol. (Aph. 4:29)
4. Tuu net ti layt richte. Fiilaycht hale mer uns tsurik fer mit yemant iwer ti Piipel xpreche weeche ti aat wii tee aus siit, sayn ekonoomix situatsyoon, sayn sotsyaal klas, ti aat wii tee leept orer was tee klaapt. Awer, tenk traan:
-
Yeehoowa un Yeesus khene ti hërtse fon te layt leese; meyer net.
-
Nimant is tsu wayt wech fon Yeehoowa sayn parmhërtslichkheet.
5. Say koraajich, awer tsaych kexik un say foersichtich. (Mat. 10:16) Tuu een tsënkeray aus wayche. Wën te persoon net ti kuute notisye heere wil orer wëns tuu xpiirst tas ti situatsyoon kefeerlich wëre khan, mach tas kexpreech mit kexik aans ën. (Xpr. 17:14)
