LISYOON 03
Khene mer aan ti Piipel klaape?
Ti Piipel xprecht iwich fiil kuute tinge woo im tsukhunft pasiire un kept kuute aanreete. Khan sin tas tuu naykerich pist fer wise was tii saat. Awer, fiilaycht in ti selwich tsayt, host tuu tswayfele. Meechst tuu wërklich klaape khene aan ti ferxpreche un aanreete fon soo een alt puuch? Khan ma wërklich klaape aan was ti Piipel saat iwich een froo leepe yets hon un aach im tsukhunft? Milyoone layt klaape aan tas. Meechst tuu aach too traan klaape khene?
1. Meechte ti Piipel kexichte wërklich pasiirt sin?
Ti Piipel saat tas ti xraypere hon “kenau woere wërter” kexrip. (Eklesyastes 12:10) Tii xprecht iwich echte layt un tinge woo wërklich pasiirt sin. (Lees Lukas 1:3; 3:1, 2.) Fiil woo mit kexicht xafe un arkeooloker pewayse tas was ti Piipel saat iwich tsayte, mënxe, pletse un fakte, woer is.
2. Warom khene mer uf ti Piipel traue ale tëm tii een alt puuch is?
Ti Piipel xprecht oft iwich tinge woo ti layt in tiise taache net kekhent hon. Tsum payxpiil, tii xprecht iwich etliche syentifixe sache. In ti tsayt woo ti Piipel kexrip woer is, fiil layt hon net keklaapt aan was tii iwich tiise sache kesaat hot. Awer hayt pewayst ti syens tas was ti Piipel saat is richtich. Iire wërter “khan ma traue yets un fer imer.” — Psalm 111:8.
3. Warom khene mer klaape aan was ti Piipel saat iwich te tsukhunft?
Ti Piipel hot profetsiie * woo xpreche iwich “tinge woo noch net kemacht kep sin.” (Isaiias 46:10) Tsum payxpiil, ti Piipel hot kexproch in foer raus iwich tinge woo lang tsayt tëm noo pasiirt sin. Ti Piipel hot aach soo kaar ketsaycht kleenichkheete iwich wii ti welt hayt se taache weyer. In tiise lisyoon, lërne mer etliche piiplixe profetsiie. Siin wii ti profetsiie kenau pasiirt sin, is wunerlich!
LËRN MEE
Kuk wii ti syens hayt se taache tsuxtimt mit was ti Piipel saat un unersuuch etliche wunerliche profetsiie.
4. Ti syens xtimt mit ti Piipel
Friier, hon ti meyerste layt keklaapt tas ti Eyert teet uf etwas truf xteen. Kukt te WIITEO.
Kuk was xon kexript waar im puuch fon Yoop foer 3.500 yoore. Leest Yoop 26:7, un noochte xprecht iwich ti tiise frooch:
-
Warom is wunerlich ti Piipel saan tas ti Eyert “aan niks traan” hëngt?
Tas sin ploos unkefeer 200 yoore heyer, woo ti mënxe te waser tsirkel wërklich ferxtan hon. Awer kuk was ti Piipel xon tausente yoore foer traan kesaat hot. Leest Yoop 36:27, 28, un noochte xprecht iwich ti tiise frooche:
-
Warom is soo wunerlich ti aat wii ti Piipel te waser tsirkel aus leet?
-
Hot tas woos tuu in ti Piipel kelees host tich keholef mee uf tëne trauer?
5. Ti Piipel hot foer raus kexproch iwich wichtiche tinge
Leest Isaiias 44:27–45:2, un noochte xprecht iwich tiise frooch:
-
Was fer kleenichkheete hot ti Piipel 200 yoore foer traan ketsaycht iwich ti fernichtung fon Papiloon?
Ti kexichte pewayse tas te Kheenich Siro, fon Përsya, un sayn militeer sin in Papiloon in ketreet im yoer 539 foer Kristus. Noo tëm woo tii hon tas waser fon te flus, woo ti xtat kexitst hot, ap kelënkt, sin se rin kang torich ti toore woo uf waare. Soo sin se oone khëmpfe in ti xtat rin kang. Hayt, mee wii 2.500 yoore tëm noo, sin ploos ruiine fon Papiloon keplip. Kuk was ti Piipel in foer raus kesaat hot.
Leest Isaiias 13:19, 20, un noochte xprecht iwich tiise frooch:
-
Wii hot tiise profetsii sich erfiilt?
Ruiine fon Papiloon hayt in Irak
6. Ti Piipel hot xon kexproch iwich ti tinge woo mer hayt siin
Ti Piipel saat tas mer “in ti letste taache” leepe. (2 Timoteus 3:1) Kuk was ti Piipel in foer raus kesaat hot iwich tiise taache.
Leest Matheus 24:6, 7, un noochte xprecht iwich tiise frooch:
-
Was hot ti Piipel kesaat woo in ti letste taache pasiire teet?
Leest 2 Timoteus 3:1-5, un noochte xprecht iwich tiise frooche:
-
Soo wii ti Piipel saat — wii wëre ti mënxe in ti letste taache?
-
Siis tuu tiise tinge hayt pasiire?
ETLICHE SAAN: “Tii Piipel is ploos een puuch fon ausketachte kexichte.”
-
Was mënst tuu: Was is te haupste motiiw fer uf ti Piipel traue?
IN KHORTSE WËRTER
Tas kexicht, ti syens un ti profetsiie tsayche tas tuu khanst aan ti Piipel klaape.
Was hon mer kelërnt?
-
Meechte ti Piipel kexichte wërklich pasiirt sin?
-
In was fer tinge xtimt syens mit ti Piipel?
-
Klaapst tuu tas ti Piipel khan in foer raus saan was im tsukhunft pasiirt? Warom tenkst tuu soo?
FER MEE WISE
Kept es syentifixe feele in ti Piipel?
Was fer tinge tsayche tas mer in ti letste taache sin?
“6 Piiplixe profetsiie woo sich hayt xon erfiile” (A Sentinela, 1te Maay 2011)
Kuk wii ti profetsiie fon ti Piipel iwich te Kreekixe Raych pasiirt sin.
Mërk wii ti piiplixe profetsiie Andreas sayn mënung iwich ti Piipel keënert hon.
“Ich hon net keklaapt tas Kot eksistiire teet” (A Sentinela, n.º 5 fon 2017)
^ parágrafo 9 Noote: Ti profetsiie sin pexeete fon Kot iwich te tsukhunft.
