Wii is ti pest aat fer tiise lisyoone fon ti Piipel lërne?
Lërn mit een fon Yeehoowa sayn Tsayer: Ferlang een Piipel xtuutyum fer te persoon woo tich tas piichelche kep hot, orer ferlang een Piipel xtuutyum torich unser site jw.org.
EYERSTE TEEL
Lees ti apsetse, un aach ti frooche, woo een aner farp hon (A). Lees aach ti Piipel tekste woo foer traan tas wort “lees” xteet. Un is aach wichtich leese ti Piipel tekste woo kenënt sin (B), wayl tii ti haupste phunkte tsayche.
MITEL TEEL
In tas teel “Lërn Mee” finst tuu ti lisyoon aus keleet in khortse wërter (C). Ti numerierte phunkte (D) kepe mee kleenichkheete iwich te haupste phunkt. Lees ti Piipel tekste, antwort ti frooche un kukt ti wiiteos (E).
Pekuk tich ti pilter un lees ti ausleyung (F), un tenk aan was tuu saan khënts im teel “Etliche Saan” (G).
LETSTE TEEL
Am ën fon ti lisyoon, fins tuu ti teele “In Khortse Wërter” un “Was hon Mer Kelërnt” (H). Xrayp uf te taach woos tuu ti lisyoon fertich kemacht host. In “Tsiil” (I) tsaycht was tuu noch mache khanst fer mee lërne. Im teel “Fer Mee Wise” (J) fins tuu mee informatsyoone iwich tiise sache.
Wii khanst tuu ti Piipel tekste fine?
Te eyerst khomt te naame fon tas Piipel puuch (A). Noochter khomt te kapitel (B) tan te wërs orer wërse (C). Tsum payxpiil, Yoohan 17:3 petayt tas Piipel puuch Yoohan, kapitel 17, wërs 3.
