LISYOON 02
Ti Piipel kept uns hofnung
Mënxe, in ti kans welt, mache xwiirichkheete mit. Tes weeche, xpiire se traurichkheet, ëngst un soo kaar phayn. Host tuu xon soo was mit kemacht? Fiilaycht tuust tuu layte weeche een krankheet orer wayl yemant woos tuu seer liipst kextorep is. Tuu khanst tenke: Meecht eene taach tas leepe peser wëre? Ti Piipel khan tich ti antwort kepe.
1. Was fer hofnung kept ti Piipel uns?
Ti Piipel leet aus warom ti welt soo fol mit propleeme is. Awer tii pringt aach kuute notisye: ti propleeme tuun hatich al ferkeen. Ti ferxpreche fon ti Piipel ‘khene tich een tsukhunft un een hofnung kepe’. (Lees Yeeremias 29:11, 12.) Tii helfe uns mit ti propleeme woo mer hayt se taach hon un een positiiw atituut hon. Tii helfe uns aach froo sin yets un fer imer.
2. Was ferxprecht ti Piipel iwich te tsukhunft?
Ti Piipel saat tas es eene taach “kheen toot mee kept, kheen traurichkheet, kheen krayxe un kheen phayn”. (Lees Apokalipsis 21:4.) Ti propleeme woo ti mënxe hayt soo layte mache — wii aarmheet, unkerechtichkheet, krankheet un te toot — tuun net mee eksistiire. Ti Piipel ferxprecht tas ti layt sich fraye khene fer leepe fer imer im Paratiis uf te Eyert.
3. Wii khanst tuu tich sicher sin tas ales was ti Piipel ferxprecht tuut wërklich pasiire?
Ti layt hofe tas kuute tinge pasiire sole. Awer tii khene sich net sicher sin op tas pasiire tuut orer net. Awer ti Piipel is anerste. Wëns tuu ‘kuut torich kukst ti Xrifte’, khanst tuu ti sicherheet hon tas ales was tii saat tuut wërklich pasiire. (Aphostele sayn Kexicht 17:11) Ti Piipel xtutiire heleft tich raus suuche ops tuu klaape khanst orer net aan was tii saat iwich te tsukhunft.
LËRN MEE
Mërk etliche tinge woo ti Piipel ferxprecht iwich te tsukhunft. Mërk aach wii ti hofnung fon ti Piipel tuut ti layt hayt xon helfe.
4. Ti Piipel ferxprecht tas mer khene fer imer leepe oone eelent
Ti list uner traan pringt etliche ferxpreche fon ti Piipel. Was fer een hot tich te pest kefalt? Warom host tuu tas raus kesuucht?
Leest ti Piipel tekste woo neewe yeete ferxpreche sin un tan xprecht iwich tiise frooche:
-
Mënst tuu tas tiise tekste hofnung pringe? Meechte tii yemant fon tayn familye orer een fraaynt helfe khene?
Tenk mool wii tas weyer in een welt leepe woo:
|
NIMANT TUUT MEE . . . |
ALE TUUN SE . . . |
|---|---|
|
|
|
|
|
|
|
|
|
|
5. Ti ferxpreche fon ti Piipel khene te unerxiit in tayn leepe mache
Fiil layt wëre traurich un soo kaar pees weeche ti xwiirichkheete woo se in ti welt siin. Etliche mache ales was se khene fer fersuuche ti tinge ferpesere. Kuk wii ti ferxpreche fon ti Piipel tas ales peser wërt, heleft ti layt yets xon. Kukt te WIITEO. Noochte xprecht iwich tiise frooche:
-
Im wiiteo, was fer sort unkerechtichkheet hot Rafika aarich keayert?
-
Ale tëm ti unkerechtichkheet woo se kesiin hot net ferkang is, wii hot ti Piipel tëne keholef?
Ti hofnung woo ti Piipel pringt fer te tsukhunft khan uns helfe mit unser propleeme um keen un net ti muut ferliire. Leest Xpriiche 17:22 un Romaaner 12:12. Noochte xprecht iwich tiise frooche:
-
Mënst tuu tas ti hofnung woo ti Piipel pringt khan unerxiit mache in tayn leepe? Warom tenkst tuu soo?
ETLICHE SAAN: “Ti ferxpreche fon te Piipel iwer te tsukhunft sin tsu kuut fer woer sin.”
-
Warom mënst tuu tas es wichtich is ti woerheet wise iwich tas?
IN KHORTSE WËRTER
Ti Piipel kept uns hofnung. Un wise tas se een frooe tsukhunft ferxprecht heleft uns mit propleeme um keen.
Was hon mer kelërnt?
-
Warom mise ti layt hofnung hon?
-
Was saat ti Piipel iwich te tsukhunft?
-
Wii khan ti hofnung woo ti Piipel pringt unerxiit in tayn leepe mache?
FER MEE WISE
Lërn mee wii ti hofnung kraft kepe khan.
Kuk wii ti hofnung im tsukhunft helfe khan ti layt woo een kroonix krankheet hon.
“Khan ti Piipel mich helfe wën ich een xroo krankheet hon?” (Artikel fom jw.org)
Kuk te musik wiiteo un xtel tich foer wii xeen tas weyer tuu un tayn familye im paratiis, woo ti Piipel ferxprecht, leepe.
Lees wii een aktiwiste sayn leepe sich keënert hot wii tee ti piiplix hofnung fer te tsukhunft khëne kelërnt hot.
“Ich mëne net mee tas ich prauche ti welt ënere” (A Sentinela, 1te Yuuli 2013)
