LISYOON 04
Weer is Kot?
Neekst fom aanfang aan woo mënxe sin, tuun ti layt fiil keeter un keetine aan peete. Awer ti Piipel xprecht iwich eene Kot woo “kreeser is als ale anere keeter”. (2 Kroonike 2:5) Weer is tee? Un warom is tee kreeser als ale anere kote? In tiise lisyoon lërne mer was tiise Kot wil tas tuu iwich tëm wise solst.
1. Wii is Kot sayn naame? Was tsaycht tas tee wil tas mer sayn naame wise sole?
In ti Piipel, Kot saat weer eyer is. Tee saat: “Ich sin Yeehoowa. Tas is mayn naame.” (Lees Isayas 42:5, 8.) Te naame Yeehoowa is een iwersetsung fon een hepreeyxe naame woo tsiimlich sicher petayt “Eyer macht tas es wërt”. Yeehoowa wil tas mer sayn naame wise sole. (Eeksotus 3:15) Wii khene mer uns sicher sin too triwer? Tee hot kexikt sayn naame mee wii 7 tausent mool in te Piipel xraype! a (Kuk ti noote) Ploos te woere Kot “oowe im himel un uner uf ti eyert” khan te naame Yeehoowa hon. — Teuteronoomyum 4:39.
2. Was saat ti Piipel iwich Yeehoowa?
Ti mënxe tuun fiil keeter aan peete, awer ti Piipel saat tas Yeehoowa te eensiche woere Kot is. Warom? Es kept fiil motiiwe. Nimant hot mee autoriteet wii Yeehoowa un, tes weeche, is ploos tee “te Ale Heechste iwer ti kans eyert”. (Lees Psalm 83:18.) Tee is te “Ale Mechtiche” wayl tee ti macht hot fer mache ales was tee wil. Tee hot ‘ale tinge kemacht’: te Uniwërsum un ales was uf ti Eyert is. (Apokalipsis 4:8, 11) Yeehoowa is te eensiche woo imer eksistiirt hot, un eksistiirt fer imer. — Psalm 90:2.
LËRN MEE
Lërn tas unerxiit tswixe Kot sayn thitele un te naame woo ploos tëm keheert. Lërn aach wii un warom Kot sayne naame tich pekhant kemacht hot.
3. Kot hot fiil thitele, awer ploos eene naame
Kepts unerxiit tswixe een persoon sayne thitel un sayne naame? Fer ti antwort wise, kukt te WIITEO. Noochte xprecht iwich tiise frooch:
-
Was is te unerxiit fon eene naame un eene thitel, soo wii “Hër”?
Ti Piipel saat tas ti mënxe fiil keeter un fiil hëre aan peete. Leest Psalm 136:1-3. Noochte xprecht iwich tiise frooch:
-
Weer is te “Kot fon ale keeter” un te “Hër fon ale hëre”?
4. Yeehoowa wil tas tuu sayne naame wise un penutse solst
Was pewayst tas Yeehoowa wil tas tuu tëm sayne naame wise solst? Kukt te WIITEO. Noochte xprecht iwich tiise frooch:
-
Warom mënst tuu tas Yeehoowa wil tas ti mënxe tëm sayne naame wise sole?
Yeehoowa wil tas ti mënxe tëm sayne naame penutse. Leest Romaaner 10:13. Noochte xprecht iwich tiise frooche:
-
Warom is es wichtich Kot sayne naame, Yeehoowa, penutse?
-
Wii xpiirst tuu tich wën yemant sich tayne naame erinert?
-
Wii mënst tuu tas Yeehoowa sich xpiirt wëns tuu tëm sayne naame penutst?
5. Yeehoowa wil tas tuu tichter tsu iim khomst
Kuk tas kexicht fon een fraa fon Kampootxa woo Soten heest. Tii saat tas Kot sayne naame wise un lërne was tiise naame petayt waar “tas peste tings fon te welt” Kukt te WIITEO. Noochte xprecht iwich tiise frooch:
-
Wii hot Soten sayn leepe sich keënert wii se Kot sayne naame kelërnt hot?
Meyer khene net yemant sayn fraaynt sin, wën mer net sayne naame wise. Leest Tyako 4:8a. Noochte xprecht iwich tiise frooche:
-
Was fer inlaatung macht Yeehoowa tich?
-
Wii khan Kot sayne naame wise un penutse tich helfe tichter pay iim xpiire?
ETLICHE SAAN: “Tas kept ploos eene Kot. Tan, is es ekaal wiis tuu tee ruufe tuust.”
-
Klaapst tuu tas Kot sayne naame Yeehoowa is?
-
Kot wil tas ti mënxe tëm sayne naame penutse. Wii khanst tuu tas yemant aus leye?
IN KHORTSE WËRTER
Yeehoowa is te naame fom eensiche woere Kot. Tee wil tas mer sayne naame khëne un penutse fer tichter tsu iim khome.
Was hon mer kelërnt?
-
Warom is Yeehoowa anerste wii ti kanse anere keeter?
-
Warom is es wichtich Kot sayne naame penutse?
-
Was pewayst tas Yeehoowa wil tas tuu tichter tsu iim khome solst?
FER MEE WISE
Mërk finef tinge woo pewayse tas Kot eksistiirt.
Mërk warom khan ma klaape tas Kot imer eksistiirt hot.
Meyer wise net wii Kot sayne naame friier aus kexproch kewoer is. Lërn warom es wichtich is soo wii soo sayne naame penutse.
“Weer is Yeehoowa? Warom is tëm sayn naame soo wichtich?” (Artikel fom jw.org)
Macht tas unerxiit wii mer Kot ruufe? Kuk warom tas mer saan khene tas Kot ploos eene naame hot.
a Noote: Fer mee wise iwich was Kot sayn naame petayt un warom etliche iwersetsunge fon te Piipel te naame raus ketuun hon, kuk Apêndice A4 in te Tradução do Novo Mundo da Bíblia Sagrada.
