Yeehoowa hot uns een wuner xeen kexenk kep: ti Piipel. Tas kexenk is een samelung fon 66 kleenere piicher. Fiilaycht froost tuu tich: ‘Fon woo is ti Piipel heyer khom? Weem sin ti itee woo in te Piipel xteen?’ Fer tiise frooche antworte, wole mer ferxteen wii ti Piipel tsu uns khom is.

1. Wën mëner ti Piipel kexrip hon, warom tuun mer tan saan tas tii Kot sayn Wort is?

Tas hot mee wii 1600 yoore ketauert, fom yoer 1513 foer Kristus pis yoer 98 noo Kristus, fer unkefeer 40 mëner ti Piipel xraype. Ti xrayper waare unerxiitliche mëner, etliche waare xeefer, fixmëner un kheeniche. Ale tëm ti xraypere soo anerste waare eene fom anere, tuun ale teele fon te Piipel xtime uner sich. Wii is tas meechlich? Wayl ti Piipel khomt fon Kot. (Lees 1 Thesalooniker 2:13.) Tiise mëner hon net sayn aychne itee kexrip. Xtats tas, hon tii “fon Kot aus kexproch, soo wii se fom hayliche kayst kelënkt waare”. a (Kuk ti noote.) (2 Pheeter 1:21) Kot hot sayne hayliche kayst penutst fer tiise mëner inspiriire fer tëm sayn ketanke uf xraype. — 2 Timoteus 3:16.

2. Fer weem hot Kot ti Piipel kemacht?

Kot hot ti Piipel kemacht fer layt fon “yeete natsyoon, xtam, xprooch un folek”. (Lees Apokalipsis 14:6.) Tes weeche, wolt Kot tas ti Piipel solt sin in fiil mee xprooche wii anere piicher. Neekst ale kaar uf ti welt khene ti Piipel leese, ekaal woo te mënx woont orer ti xprooch woo tee xprecht.

3. Wii hot Yeehoowa ti Piipel kexitst?

Ti Piipel hot fiil mit kemacht, awer Yeehoowa hot net kelos tas etwas orer yemant iim tsurik kehalt hot fer sayn pexeet uns pekhant mache. Een xwiirichkheet waar tas ti Piipel is kexrip woer uf materyaale woo net lang kehal hon. Tan, wii is ti Piipel tsu uns khom? Tas is weeche ti mëner woo ti Piipel keliipt hon, un hon se kenau oft mools ap kexrip. Un aach, waare mëner in hooche positsyoone woo hon fersuucht ti Piipel fernichte. Awer mënxe hon iire leepe riskiirt fer ti Piipel xitse. Wii Isayas 40:8 saat: “Tas wort fon unser Kot playpt fer imer.”

 LËRN MEE

5. Fiil waare keeche ti Piipel, awer hon se net fernicht kriit

 6. Een puuch fer ale mënxe

Ti Piipel is tas puuch woo te meyerst iwersetst un aus keteelt kep is in ti kanse tsayte. Leest Aphostele sayn Kexicht 10:34, 35. Noochte xprecht iwich tiise frooche:

• Warom wil Kot tas sayn Wort sol iwersets un aus keteelt wëre in soo fiil xprooche?

• Was hot tich te meyerst interesiirt iwich te Piipel?

 IN KHORTSE WËRTER

Ti Piipel is Kot sayn Wort, un tee wolt hon tas ti mënxe se leese khente.

Was hon mer kelërnt?

• Wën ti Piipel saat tas Kot mëner inspiriirt hot fer ti Piipel xraype, was petayt tas?

• Was wunert tich mee iwich wii ti Piipel iwersetst un aus keteelt wërt? Un tas se net fernicht kewoer is, ale tëm ales was se keeche tëne kemacht hon?

• Wii xpiirst tuu tich yets tas tuu weest ales was Kot kemacht hot fer sayn pexeet tich aus richte?