LISYOON 10
Wii khene ti fersamlunge fon Yeehoowa sayn Tsayer tich helfe?
Waarst tuu xon uf een fersamlung fon Yeehoowa sayn Tsayer? Wën net, tan khan sin tas es tich pisye ëngstlich aan is tas eyerste mool woos tuu keest. Khan sin tas tuu tenkst: ‘Was pasiirt in tiise fersamlunge?’ ‘Warom sin tii wichtich?’ ‘Warom sol ich keen?’ In tiise lisyoon, lërnst tuu wii ti fersamlunge khene tich ticht tsu Kot nëme un wii tii tich helfe khene taach tsu taach.
1. Was is te haupste opjetiiw fon tiise fersamlunge?
Eene xrayper fon te Piipel saat: “In te kroos kemaynt, wëre ich Yeehoowa loope.” (Psalm 26:12) Mit tiise wërter, hot tee te haupste opjetiiw fon te fersamlunge aus keleet: Kot aan peete. Soo, in ti kans welt, tuun Yeehoowa sayn Tsayer sich samele, yeete woch, fer singe, peete un Yeehoowa loope. Als mool im yoer, tuun se sich samele in kreeser krupe fer Kot aan peete. Yeehoowa sayn Tsayer keen aarich kërn uf tiise fersamlunge.
2. Was wërst tuu in unser fersamlunge lërne?
In ti fersamlunge, te haupste phunkt is ti Piipel. Mer leese ti Piipel un tuun se “klaar un taytlich aus leyer was ti wërter petayte.” (Lees Neemias 8:8.) In ti fersamlunge, lërnst tuu iwich Yeehoowa un sayn xeene kwaliteete. Soo fiil mee wiis tuu iwich Yeehoowa sayn liip lërnst, tichter khomst tuu tsu iim. Tuu lërnst aach wii Yeehoowa tich helfe khan een peser leepe hon. — Isayas 48:17, 18.
3. Warom khan tas kuut sin fer tich anere layt khëne lërne uf ti fersamlunge?
Yeehoowa saat tas mer sole ‘eene aan te anere tenke fer uns tsu liip un tsu kuute aarwayt aan muute, un net noo lose uns se fersamele’. (Hepreeyer 10:24, 25, noote) In ti fersamlunge, wërst tuu layt khëne lërne woo wërklich sich khimere eene mim anere. Tat, heerst tuu ti layt iwich kuute tinge fon te Piipel xpreche. Soo wiis tuu, wole se aach mee iwich Kot lërne. (Lees Romaaner 1:11, 12.) Un aach, tuu khanst fertseele mit mëner, fraae, alte un yunge woo froo sin, ale tëm woo se xwiirichkheete mit mache. Tas sin ploos etliche motiiwe tas Yeehoowa wil tas mer sole uns reekelmeesich samele.
LËRN MEE
Lërn was uf ti fersamlunge fon Yeehoowa sayn Tsayer pasiirt. Un aach warom es weyert is sich aan xtrenge fer uf ti fersamlunge keen.
4. Wii sin ti fersamlunge fon Yeehoowa sayn Tsayer?
In ti taache fon Yeesus sayn aphostele, hon ti kriste sich imer kesamelt fer Yeehoowa aan peete. (Romaaner 16:3-5) Leest Koloser 3:16. Noochte xprecht iwich tiise frooch:
-
Wii hon ti eyerste kriste Yeehoowa aan kepeet?
Hayt, tuun aach Yeehoowa sayn Tsayer sich imer samele fer Kot aan peete. Fer wise wii tiise fersamlunge sin, kukt te WIITEO. Noochte, kukt een kemooltnes pilt fon een fersamlung un xprecht iwich tiise frooche:
-
Im wiiteo, host tuu kesiin was im Raych Saal pasiirt. Tan, was host tuu kemërkt woo sich eenlicht mit was in Koloser 3:16 xteet?
-
Im wiiteo orer im kemooltnes pilt, host tuu noch etwas kesiin woo tich kefal hot iwich ti fersamlunge?
Leest 2 Korinter 9:7. Noochte xprecht iwich tiise frooch:
-
Warom wërt khee kelt ferlangt uf ti fersamlunge fon Yeehoowa sayn Tsayer?
Kuk mit tayn leerer te prokram fon te neekst fersamlung.
-
Was fer teel fon te fersamlung mënst tuu weyer mee interesant orer khent tich helfe?
Wust tuu?
Im site jw.org, tuu khanst raus fine wën un woo ti fersamlunge in ti kans welt kehal wëre.
-
In unser fersamlunge, khene mer reete horiche, foerxtelunge un wiiteos kuke. Ti fersamlunge keen aan un aus mit een liit un een kepeet.
-
In etliche teele fon ti fersamlung, khene ti layt teel mache wën se wole.
-
Ale sin wilkhomen: mëne, fraae, alte, yunge un khiner.
-
Uf ti fersamlunge fon Yeehoowa sayn Tsayer wërt khee kelt ferlangt.
5. Fer uf ti fersamlunge keen, mus ma sich aan xtrenge
Kuk tas payxpiil fon Yeesus sayn familye. Yeetes yoer sin tii fon Nasarë kereest pis Yeruusalem fer een wichtich yoers fersamlung. Ti rees waar net laycht; tii muste unkefeer 100 khilomeeter, orer tray taache, laafe torich përiche weeche. Lees Lukas 2:39-42. Noochte xprecht iwich tiise frooche:
-
Mënst tuu tas tii muste sich aan xtrenge fer ti rees mache?
-
Meechts tuu aach tich aan xtrenge mise fer uf ti fersamlunge keen?
-
Mënst tuu tas es am weyert is? Warom tenkst tuu soo?
Ti Piipel saat tas es wichtich is sich fersamele mit anere fer Yeehoowa aan peete. Leest Hepreeyer 10:24, 25. Noochte xprecht iwich tiise frooch:
-
Warom mise mer imer uf ti fersamlunge keen?
ETLICHE SAAN: “Tuu prauchst tich net samele mit anere fer Kot aan peete. Aleen ti Piipel leese is kenuuch.”
-
Was fer tekst orer payxpiil fon te Piipel tsaycht was Yeehoowa too triwer tenkt?
IN KHORTSE WËRTER
Uf ti fersamlunge keen heleft tich mee lërne iwich Yeehoowa un tayn fraayntxaft mit iim ferxtërke. Un ti fersamlunge kepe tich aach ti oportuniteet fer Kot aan peete mit anere.
Was hon mer kelërnt?
-
Warom wil Yeehoowa tas mer uf ti fersamlunge keen sole?
-
Was tuust tuu lërne in ti fersamlunge fon Yeehoowa sayn Tsayer?
-
In was fer anere aate mënst tuu tas ti fersamlunge tich helfe khene?
FER MEE WISE
Pleene uf een fersamlung keen macht tich pisye ëngstlich? Kuk wii eene man woo sich soo kexpiirt hot, aan kefang hot kërn uf ti fersamlunge keen.
Kuk warom een yunge kërn uf ti fersamlunge kang is un was tee kemacht hot fer khee een ferliire.
Mërk was anere layt tenke iwich uf ti fersamlunge keen.
“Warom is es kuut uf ti fersamlunge keen im Raych Saal?” (Artikel fom jw.org)
Lees wii eene man woo aarich krop waar un hot tsu eene kefeerliche krup keheert, sayn leepe keënert hot noo tëm tas tee uf een fersamlung fon Yeehoowa sayn Tsayer kang is.
“Ich sin nii fat kang oone mayne wafe” (A Sentinela, 1te Yuuli 2014)
