Kans sicher, ti Piipel xtutiire is tas peste woo yemant mache khan. Es is woer tas es net imer laycht is. Als mool, tuust tuu im xtant tenke ops tuu khanst wërklich tas foran mache. Awer warom is tas am weyert foran xtutiire? Was khan tich helfe net uf kepe ale tëm wën xwiirichkheete sin?

1. Warom is tas soo wichtich ti Piipel xtutiire?

“Kot sayn Wort is lepeentich un xtark.” (Hepreeyer 4:12) Ti Piipel xtutiire is aarich wichtich. Tii heleft uns ferxteen Kot sayn ketanke un wii eyer sich xpiirt iwer uns. Tii heleft tich net ploos khëntnis kriin awer aach woere kluucheet un hofnung. Un tas haupste: tii heleft tich Yeehoowa sayn fraaynt sin. Wëns tuu ti Piipel xtutiirst, tan wërt tayn leepe fiil pesere.

2. Warom is es wichtich weyert kepe tsu was ti Piipel in lërnt?

Ti woerheete fon te Piipel sin wii een xats. Tes weeche, saat se: “Khaaf ti woerheet un tuu se nii ferkhaafe.” (Xpriiche 23:23) Wën mer weyert kepe tsu was ti Piipel in lërnt, xtrenge mer uns aan fer foran xtutiire, soo kaar wën mer mit xwiirichkheet um keen mise. — Lees Xpriiche 2:4, 5.

3. Wii khan Yeehoowa tich helfe foran xtutiire?

Yeehoowa is tayne Ale Mechtiche Kriatoer un fraaynt, un tee wil tich helfe iim khëne lërne. Yeehoowa khan tich kepe “te wunx un ti macht fer in krayfe”. (Lees Filiper 2:13.) Tes weeche, wëns tuu als mool khee lust host fer xtutiire orer finst es xweer aan wëne was tuu lërnst, khan tee tich helfe. Orer wëns tuu kraft prauchst fer xwiirichkheet un propleeme triwer wech khome, is Yeehoowa mit tich. Peet imer tsu Yeehoowa tas tee tich foran heleft ti Piipel xtutiire. — 1 Thesalooniker 5:17.

 LËRN MEE

4. Tsaych tas te Piipel xtuutyum wichtich is fer tich

Als mool hon mer soo fiil tsu tuun tas es aus siit tas mer khee tsayt hëte fer ti Piipel xtutiire. Was khan tich helfe? Leest Filiper 1:10. Noochte xprecht iwich tiise frooche:

• Was mënst tuu, ‘was fer tinge sin wichticher’ im leepe?

• Wii khanst tuu tsayche tas te Piipel xtuutyum wichtich is fer tich?

1. Wëns tuu eyerst filst eene ayme mit sant un noochte fersuuchst xteen rin tuun, tan phase se net rin.

2. Awer wëns tuu eyerst ti xteen rin tuust, tan is plats fer neekst te kanse sant. Soo is es wëns tuu eyerst machst “ti tinge woo wichticher sin”, tan host tuu noch tsayt fer ti anere tinge mache.

Ti Piipel xtutiire fersoricht unser kaystliche neetichkheete, tas is, ti neetichkheet woo mer hon fer Kot khëne un aan peete. Leest Matheus 5:3. Noochte xprecht iwich tiise frooch:

• Was fer seechen kriin mer wën te Piipel xtuutyum wichtich is fer uns?

 5. Los net noo tsu xtutiire weeche ti anere

6. Klaap tas Yeehoowa tich helfe tuut

 IN KHORTSE WËRTER

Tas is woer tas es net imer laycht is ti Piipel xtutiire. Awer wëns tuu tas machst, tan khanst tich kuut keen im leepe fer imer. Tuu foran uf Yeehoowa traue, un tee wërt tich seechne.

Was hon mer kelërnt?

• Warom sin ti piiplixe woerheete een xats fer tich?

• Wii khanst tuu tsayche tas tuu weyert kepts tsu ‘tinge woo wichticher sin”?

• Warom khanst tuu ferlange tas Yeehoowa tich helfe sol foran ti Piipel xtutiire?