LISYOON 13
Wii lënke ti falxe relichyoone ti layt ap fon Kot?
Wën Kot liip is, warom mache tan ti relichyoone, woo saan teete Kot tiine, soo fiil xlechte tinge? In khortse wërter, tiise relichyoone sin falx; tii liie iwich Kot. Wii lënke ti falxe relichyoone ti layt ap fon Kot? Wii xpiirt Kot sich weeche tas? Un was wërt tee mache?
1. Wii lënke ti falxe relichyoone ti layt ap fon Kot torich iire inlërnunge?
Ti falxe relichyoone “hon Kot sayn woerheet um ketrukt um liieray”. (Romaaner 1:25) Tsum payxpiil, ti meyerste tuun net Kot sayne naame in lërne. Awer ti Piipel saat tas es wichtich is Kot sayne naame penutse. (Romaaner 10:13, 14) Wën was xlechtes pasiirt, tuun etliche farer, phaater un anere relichyeese xëfe saan: “Tas waar Kot sayne wile.” Awer tas is net woer. Kot macht nii was xlecht is. (Lees Tyako 1:13.) Tas is traurich saan, awer tiise liie lënke ti layt fon Kot ap.
2. Wii lënke ti falxe relichyoone ti layt ap fon Kot torich was tii mache?
Ti Piipel saat ti sinte fon ti falxe relichyoone “sin soo fiil tas se pis aan te himel khome”. (Apokalipsis 18:5) Torich hunerte yoore, hon ti relichyoone in politik sich rin kemext un kriiche kextitst. Un aach, hon aan kenom orer kemacht tas milyoone layt um kepracht kewoer sin. Etliche relichyeese xëfe hon een leepe mit fiile raychtum un wole tas ti mitkliiter tas petsaale sole. Ti falxe relichyoone tuun net um keen mit te layt soo wii Yeehoowa. Tiise relichyeese xëfe saan tas Kot se kexikt hot, awer iire aktsyoone tsayche tas net. Tii tuun Kot kaar net khëne. — Lees 1 Yoohan 4:8.
3. Was tenkt Kot iwich ti falxe relichyoone?
Wën ti tinge woo ti falxe relichyoone mache tich wuut kepe, tenk mool wii Kot sich xpiirt! Ti relichyeese xëfe lënke ti layt fon Kot ap un phase ti mitkliiter fon iire khëriche net uf. Yeehoowa liipt ti layt un was ti relichyeese xëfe mache tuut tëm aarich ayere. Tee ferxprecht ti falxe relichyoone hatich fernichte un tii ‘wëre nii mee kefun’. — Apokalipsis 18:8, 21.
LËRN MEE
In tiise lisyoon lërne mer (1) mee kleenichkheete fon was Kot tenkt iwich ti falxe relichyoone, (2) was ti falxe relichyoone xon ferkheert kemacht hon un (3) warom solst tuu net, weeche tas, noo lose lërne iwich Yeehoowa.
4. Kot nëmt net ale relichyoone aan
Fiil tenke tas ti relichyoone noore anere weeche sin woo tsu Kot nëme. Awer meecht tas woer sin? Leest Matheus 7:13, 14. Noochte xprecht iwich tiise frooch:
-
Was saat ti Piipel iwich te weech woo tsum leepe nëmt?
Kukt te WIITEO. Noochte xprecht iwich tiise frooch:
-
Meecht ti Piipel saan tas ale relichyoone Kot kefale?
5. Ti falxe relichyoone tsayche net Kot sayn liip
Ti falxe relichyoone lënke ti mënxe ap fon Kot uf fiile aate. Een fon te xlechtes aat is wayl se te kriich xtitse. Kuk een payxpiil. Kukt te WIITEO. Noochte xprecht iwich tiise frooche:
-
Wii te Tsweete Welts Kriich pasiirt is, was hon fiil relichyoone kemacht?
-
Was tenkst tuu iwich was tii kemacht hon?
Leest Yoohan 13:34, 35 un 17:16. Noochte xprecht iwich tiise frooche:
-
Wii mënst tuu tas Yeehoowa sich xpiirt wën ti relichyoone sich rin mexe im kriich?
-
Ti falxe relichyoone hon xult aan fiil xlechte tinge. Was host tuu xon kesiin woo pewayst tas tiise relichyoone net Kot sayn liip tsayche?
Ti falxe relichyoone tsayche net Kot sayn liip
6. Kot wil ti mënxe fon te falxe relichyoone raus hoole
Leest Apokalipsis 18:4. a (Kukt ti noote). Noochte xprecht iwich tiise frooch:
-
Ti falxe relichyoone tuun ti layt hiner keen. Wii xpiirst tuu tich yets woos tuu weest tas Kot wil ti mënxe helfe aus ti falxe relichyoone raus keen?
7. Tuu wayter iwich te woere Kot lërne
Meechte ti ferkheerte tinge woo ti falxe relichyoone mache tich ap lënke sole fon Kot? Tenk aan een soon woo ti kuute aanreete fon sayne fater net aan heert. Te soon keet fon tehëm wech un fangt aan ferkheerte tinge mache. Te fater nëmt net aan was tee macht. Weyer tas richtich tëm fater ti xult kepe weeche ti tinge woo te soon macht?
-
Weyer tas richtich Yeehoowa ti xult kepe un noo lose iwich iim lërne weeche ti xlechte tinge woo ti falxe relichyoone mache?
ETLICHE SAAN: “Ich wil niks wise fon relichyoon; tii pringe ploos propleeme.”
-
Tenkst tuu aach soo?
-
Warom sole ti ferkheerte tinge woo ti falxe relichyoone mache uns net wech hale fon Kot?
IN KHORTSE WËRTER
Ti falxe relichyoone tuun ti mënxe ap lënke fon Kot. Tas pasiirt wayl se ferkheerte tinge in lërne un xlechte tinge mache. Kot wërt ti falxe relichyoone fernichte.
Was hon mer kelërnt?
-
Was tenkst tuu iwich ti tinge woo ti falxe relichyoone in lërne un mache?
-
Was tenkt Yeehoowa iwich ti falxe relichyoone?
-
Was wërt Yeehoowa mache mit te falxe relichyoone?
FER MEE WISE
Kuk tswaay aate woo ti falxe relichyoone net Kot sayn wile mache.
“Sin al relichyoone ekaal? Meechte se al tsu Kot nëme?” (Artikel fom jw.org)
Warom wil Yeehoowa tas mer uns samele mit anere fer iim aan peete?
“Meecht ma tsu een khërich keheere mise?” (Artikel fom jw.org)
Kuk tas kexicht fon een phaater woo aan kefang hot tswayfele hon iwich sayn relichyoon. Awer hot toch net noo kelos ti woerheet iwich Kot suuche.
“Warom hot eene phaater ti khërich im xtich kelos” (Despertai!, Feepruer 2015)
Fer yoore lang, hon ti relichyoone iwich Kot keloo. Tes weeche, tuun fiil tenke tas Kot xlecht is un khimert sich net mit ti mënxe. Lërn ti woerheet iwich tray fon tiise liieray.
“Liieray woo ti layt fon Kot ap lënke” (A Sentinela, 1te Nofemper 2013)
a Noote: Ti Piipel ferklaycht ti falxe relichyoone mit een fraa woo kenënt is Papiloon, ti Kroos. Fer wise warom, kuk Fer peser ferxteen 1.
