Wii mer in te letst lisyoon kesiin hon, Kot tuut net ale relichyoone aan nëme. Awer mer khene unser Kriatoer aan peete soo wiis iim kefalt. Wii is ti “aat fon aanpeetung [orer: relichyoon]” woo tee aan nëmt? (Tyako 1:27, noote) Wole mer siin was ti Piipel in lërnt.

1. Aan was sol unser aanpeetung sich traan hale?

Unser aanpeetung sol sich aan ti Piipel traan hale. Yeesus saat tsu Kot: “Tayn wort is woerheet.” (Yoohan 17:17) Fiil relichyoone kepe mee weyert tsu mënxliche inlërnunge un tratitsyoone xtats mache was in Kot sayn Wort xteet. Awer Yeehoowa nëmt net aan tii woo sayn ‘kepoote uf sayt loser’. (Lees Markus 7:9.) Awer, meyer fraye Yeehoowa sayn hërts wën mer aan heere was ti Piipel saat.

2. Wii sole mer Yeehoowa aan peete?

Meyer sole noore Yeehoowa aan peete wayl tee unser Kriatoer is. (Apokalipsis 4:11) Tes weeche, sole mer net pilter, xtaatue fon hayliche orer ti hayliche aan peete, wayl unser liip un unser aanpeetung keheere ploos tsu Yeehoowa. — Lees Isayas 42:8.

Unser aanpeetung mus ‘haylich sin un woo Yeehoowa aan nëmt’. (Romaaner 12:1) Tas petayt tas mer mise sayn kesetse aan heere. Tsum payxpiil, ti layt woo Yeehoowa liipe tuun sayn kepoote iwich hayrat aan heere. Un tii mache aach net tinge wii rauche, troke penutse orer tsu fiil trinke. a (Kuk ti noote.)

3. Warom sole mer uns samele mit anere fer Yeehoowa aan peete?

Yeehoowa ferlang tas mer sole uf te fersamlunge keen wayl tee uns liipt un wees tas tas uns heleft fer froo sin fer imer. Wën mer uns samele mit anere in te kemaynt, khene mer Yeehoowa loope, orer aan peete. Een aat woo mer tas mache khene is singe fer Yeehoowa. (Lees Psalm 104:33.) Tiise liiter kepe uns ti keleechenheet ‘fer Yeehoowa in te kemaynt loope’. (Psalm 111:1, 2) Un noch, wën mer uf ti fersamlunge keen, tuun meyer eene te anere uf muute.

 LËRN MEE

4. Meyer sole net pilter orer xtaatue penutse fer Kot aan peete

5. Noore Yeehoowa aan peete macht uns fray fon falxe inlërnunge

 6. Meyer peete Kot aan in te fersamlunge im Raych Saal

Meyer loope Yeehoowa un tuun eene te anere uf muute wën mer antworte in te fersamlunge kepe. Lees Psalm 22:22. Noochte xprecht iwich tiise frooche:

• Heerst tuu kërn ti priiter sayn antworte in te fersamlunge?

• Teest tuu kërn tich foer perayte fer aach een antwort kepe?

7. Yeehoowa frayt sich wën mer fer anere fertseele was mer lërne

Meyer khene iwich ti piiplixe woerheete mit anere xpreche uf fiile aate. Leest Psalm 9:1 un 34:1. Noochte xprecht iwich tiise frooch:

• Tuu host xon fiil woerheete fon te Piipel kelërnt. Iwich was fer een teest tuu kërn mit yemant xpreche?

 IN KHORTSE WËRTER

Meyer fraye unser Kriatoer wën mer noore tee aan peete, iim loope in te fersamlunge un mit anere xpreche iwich was mer lërne.

Was hon mer kelërnt?

• Wii khene mer lërne Kot aan peete soo wiis richtich is fer iim?

• Warom sole mer noore Yeehoowa aan peete?

• Warom sole mer Kot aan peete mit anere woo aach sayne wile mache wole?