LISYOON 20

Wii is ti kemaynt in kericht?

FOERXPIILE

Yeehoowa is een orkanisiirte Kot. (1 Korinter 14:33, 40) Soo, khene mer waarte tas tëm sayn folek aach soo is. Awer wii is ti kemaynt in kericht? Un was fer teel hot yeete eene in tiise inrichtung?

1. Weer is te fiirer fon te kemaynt?

‘Kristus is te khop fon te kemaynt.’ (Ëfeser 5:23) Fom himel aan, tuut Yeesus ti aktiwiteete fon Yeehoowa sayn folek in te kans welt uf phase. Tee hot te “troy un ferninftiche sklaaw” — een kleene krup fon rayfe mëner in kesetst, woo aach kenënt is Rechiirente Khërperxaft. (Lees Matheus 24:45-47.) Te Rechiirente Khërperxaft kept oryentiirung fer ti kemaynte in te kans welt, soo wii im yoer hunert ti aphostele un elteste in Yeruusalem kemacht hon. (Aphostele sayn Kexicht 15:2) Awer tiise mëner sin net ti fiirer fon unser orkanisatsyoon. Tii xtutiire ti Piipel fer wise was Yeehoowa wil hon tas se mache sole, un keen Yeesus sayn fiirung noo.

2. Weer sin ti elteste, un was mache se?

Ti elteste sin rayfe kriste. Tii penutse ti Piipel fer Yeehoowa sayn folek in lërne. Tiise mëner sin imer fërtich fer helfe un uf muute ti woo Kot tiine. Tii wëre net petsaalt too foer. Xtats tas, tiine se “fraywilich foer Kot, aach net weeche liip tsu uneerlich kelt se kriin, awer mit frayt”. (1 Pheeter 5:1, 2) Ti elteste kriin hilef fon te ministeryaale tiiner, woo, mit te lëngt, khene piiplixe kwaliteete ëntwikele fer aach tiine wii elteste.

Te Rechiirente Khërperxaft xtelt aan etliche elteste fer tiine wii sirkuyt superintentente. Tiise mëner pesuuche fiil kemaynte fer ti priiter oryentiire un uf muute. Tii hale sich aan ti piiplix inlërnung fer ministeryaale tiiner un elteste in setse. — 1 Timoteus 3:1-10, 12; Titus 1:5-9.

3. Was fer responsapiliteet hot yeete eene woo Yeehoowa sayn Tsayer is?

Al in te kemaynt, fer ‘Yeehoowa sayn naame loope’, mache teel in te fersamlunge un preetiche ti kuute notisye fon Kot sayn Raych, tëm noo wii yeete eene khan. — Lees Psalm 148:12, 13.

LËRN MEE

Lërn was fer sort fiirer Yeesus is, un wii ti elteste sich aan xtrenge fer tëm sayn payxpiil noo mache. Lërn aach wii mer khene Yeesus aan heere un ti elteste helfe.

4. Yeesus is een liipliche fiirer

Yeesus hot uns een liiplich inlaatung kemacht. Leest Matheus 11:28-30. Noochte xprecht iwich tiise frooche:

Was fer sort fiirer is Yeesus? Wii wil tee tas mer uns xpiire sole?

Wii mache ti elteste Yeesus sayn payxpiil noo? Kukt te WIITEO.

WIITEO: Elteste tuun klaych hilef fer ti priiter kepe noo een eyert xutere in Neepal (4:56)

Ti Piipel saat kans kenau wii ti elteste iire aarwayt mache sole.

Leest Isayas 32:2 un 1 Pheeter 5:1-3. Noochte xprecht iwich tiise frooche:

Wii xpiirst tuu tich yets tas tuu weest tas ti elteste sich aan xtrenge fer liiplich sin soo wii Yeesus?
Uf was fer anere aate khene ti elteste Yeesus noo mache?

5. Ti elteste lërne in torich iire payxpiil

Wii wil Yeesus tas ti elteste sole ti aarwayt woo se mache aan siin? Kukt te WIITEO.

WIITEO: Ti elteste fiire ti kemaynt (7:39)

Yeesus hot tas payxpiil kep fer tëne woo ti kemaynt uf phase. Leest Matheus 23:8-12. Noochte xprecht iwich tiise frooche:

Wii saat ti Piipel tas ti elteste sole sich aan xtele? Mënst tuu tas ti relichyeese xëfe tas soo mache?

Ti elteste hale iire fraayntxaft mit Yeehoowa xtark un helfe sayn familye tas selwiche mache
Ti elteste phase ale kaar in te kemaynt uf
Ti elteste tuun reekelmeesich preetiche
Ti elteste lërne Kot sayn Wort in. Tii helfe te Raych Saal sauwer mache un helfe aach in anere aarwayte

6. Meyer khene ti elteste helfe

Ti Piipel kept uns een wichtiche motiiw fer ti elteste helfe. Leest Hepreeyer 13:17. Noochte xprecht iwich tiise frooche:

Warom saat ti Piipel tas mer sole ti elteste hërtslich aan heere? Was mënst tuu iwich tas?

Leest Lukas 16:10. Noochte xprecht iwich tiise frooch:

Warom sole mer ti elteste aan heere wën te sache aach net soo wichtich aus siit?

ETLICHE SAAN: “Tuu prauchst net tsu een khërich keheere fer Kot aan peete.”

Warom mënst tuu tas es wichtich is Kot aan peete mit anere woo tee tiine?

IN KHORTSE WËRTER

Yeesus is te fiirer fon te kemaynt, un ti elteste keen tëm sayn oryentiirunge noo. Meyer fraye uns fer ti elteste helfe wayl tii liiplich sin un uns torich tëne sayn payxpiil in lërne.