LISYOON 21

Wii wëre ti kuute notisye kepreeticht?

FOERXPIILE

Hatich, wërt Yeehoowa torich sayn Raych unser kanse propleeme am ën mache. Tas is soo een kuut notisye tas yeete eene tas wise mist. Yeesus hot fer sayn tisipele kesaat ti selte tiise kuute notisye fer ale layt fertseele. (Matheus 28:19, 20) Wii tuun Yeehoowa sayn Tsayer mache was Yeesus ferlangt hot?

1. Wii erfiilt sich hayt Matheus 24:14?

Yeesus hot in foer raus kesaat: “Un tiise kuute notisye fom Raych wëre uf te kans pewoont eyert kepreeticht.” (Matheus 24:14) Yeehoowa sayn Tsayer fraye sich fer teel mache in tiise wichtich aarwayt. Ti kuute notisye wëre kepreeticht in te kans welt in mee wii 1.000 xprooche! Tas is khee laycht aarwayt. Oone Yeehoowa sayn hilef, khent tas net kemacht wëre.

2. Was tuun mer ales mache fer preetiche fer ti layt?

Meyer preetiche iweraal woo mer mënxe aan trefe. Soo wii ti eyerste kriste, keen mer preetiche “haus tsu haus”. (Aphostele sayn Kexicht 5:42) Soo khene mer mit milyoone layt yeetes yoer xpreche. Wayl mer ti layt net imer tehëm aan trefe, keen mer aach preetiche uf anere pletse. Meyer suuche imer keleechenheete fer mit anere iwich Yeehoowa un iwich sayne wile xpreche.

3. Weer hot ti flicht fer ti kuute notisye preetiche?

Yeete woere krist hot ti flicht fer ti kuute notisye fer anere preetiche. Fer uns is tas een seer ërnst aarwayt. Yeete eene fon uns macht ales was meechlich is in tiise aarwayt, wayl mer wise tas tas khan ti layt sayn leepe rete. (Lees 1 Timoteus 4:16.) Meyer wëre net petsaalt fer tiise aarwayt mache. Ti Piipel saat: “Umsonst hot teyer tas kriit, tan umsonst kept tas wayter.” (Matheus 10:7, 8) Net ale layt tuun uns aan heere. Awer meyer tuun wayter preetiche wayl mer wole Yeehoowa aan heere un iim kefale.

LËRN MEE

Was mache Yeehoowa sayn Tsayer fer ti kuute notisye in te kans welt preetiche? Un wii heleft Yeehoowa uns?

Preetich aarwayt in te kans welt: (A) Kosta Rika, (B) Fereenichte Xtaate fon Amërika, (C) Peniin, (D) Thaylant, (E) Yap, (F) Xweete

4. Meyer xtrenge uns aan fer tsu ale preetiche

Yeehoowa sayn Tsayer xtrenge sich aan fer ti kuute notisye preetiche fer ale layt, ekaal woo se sin. Kukt te WIITEO. Noochte xprecht iwich tiise frooch:

WIITEO: Preetiche pis “aan waytest teel fon te eyert” (7:38)

Was mënst tuu iwich ales was Yeehoowa sayn Tsayer mache fer preetiche?

Leest Matheus 22:39 un Romaaner 10:13-15. Noochte xprecht iwich tiise frooche:

Wii tsaycht ti preetich aarwayt tas mer ti layt liipe?
Fer Yeehoowa, wii sin tii woo ti kuute notisye preetiche? — Kukt te wërs 15.

5. Meyer xafe mit Kot

Meyer hon fiil tsayche tas Yeehoowa tiise aarwayt oryentiirt. Kuk was pasiirt is in Nay Seelant mit een pruuter woo heest Phaul. Eene noo mitaach, hot eyer haus tsu haus kepreeticht, un hot een fraa aan ketrof woo saat se hët moynts kepeet un hët Yeehoowa sayn naame penutst, un ferlangt Tee solt yemant tsu iire haus xike. Phaul hot kesaat: “Tray xtune tëm noo, hon ich aan iire teer keklopt.”

Leest 1 Korinter 3:9. Noochte xprecht iwer tiise frooch:

Wii tsayche soo kexichte tas Yeehoowa tiise aarwayt oryentiirt?

Leest Aphostele sayn Kexicht 1:8. Noochte xprecht iwich tiise frooch:

Warom mise mer Yeehoowa sayn hilef hon fer ti preetich aarwayt mache?

Wust tuu?

Yeete woch in unser mite woch fersamlung, wëre mer in kelërnt wii preetiche. Waars tuu xon uf een fon tiise fersamlunge? Was mënst tuu iwich tiise inlërnung?

6. Meyer preetiche wayl Kot uns kexikt hot

In te aphostele sayn tsayte, wolte etliche net lose Yeesus sayn tisipele preetiche. Awer ti kriste hon kexitst iire recht fer preetiche wii se ‘ti kuute notisye torich te rechiirunge kesetse fest xtelt hon’. (Filiper 1:7) Hayt mache Yeehoowa sayn Tsayer tas selwiche. a — Kukt ti noote.

Kukt te WIITEO.

WIITEO: Ti kuute notisye xitse ufm kericht (2:28)

Leest Aphostele sayn Kexicht 5:27-42. Noochte xprecht iwich tiise frooch:

Warom lose mer net noo se preetiche? — Kukt ti wërse 29, 38 un 39.

YEMANT KHAN FROOE: “Warom keen Yeehoowa sayn Tsayer haus tsu haus?”

Was teest tuu saan?

IN KHORTSE WËRTER

Yeesus hot kexikt sayn tisipele ti kuute notisye in ale lënter preetiche. Yeehoowa heleft sayn tiiner tiise aarwayt mache.

Was hon mer kelërnt?

Wii wëre ti kuute notisye in te kans welt kepreeticht?
Wii khan unser preetich aarwayt tsayche tas mer ti layt liipe?
Mënst tuu tas tiise aarwayt khan uns frooheet pringe? Warom?

Ich hon tiise lisyoon fërtich kemacht am taach:

Tsiil

Froo fer etliche priiter im Raych Saal: “Was fer xwiirichkheete host tuu mit kemacht fer ti kuute notisye preetiche? Was fer seechen host tuu tes weeche kriit?”

Noch een tsiil:

Noch een tsiil