Yeesus saat ti kriste miste sich taafe lose. (Lees Matheus 28:19, 20.) Awer was is ti taaf? Was mus een persoon mache fer ketaaft wëre?

1. Was is ti taaf?

Tas wort “taafe” khom fon een kreekix wort woo petayt “uner tauche”. Tas is was mit Yeesus pasiirt is wii tee ketaaft is woer in Yortan flus; sayne kanse khërper is unich tëm waser keplip. Meyer wise tas wayl, noo te taaf, is tee “aus tëm waser raus kang”. (Markus 1:9, 10) Soo wii Yeesus, wën ti woere kriste ketaaft wëre, wëre se aach kans uner ketaucht im waser.

2. Was tsaycht een persoon wën tee sich taafe lost?

Wën yemant ketaaft wërt, tsaycht tee tas eyer sayn leepe tsu Yeehoowa kep hot. Wii kep tee sayn leepe tsu Yeehoowa? Foer sayne taaf, peet tee fer Yeehoowa un ferxprecht ploos iim tiine un iim aan peete fer imer; un Yeehoowa sayn wile mache wërt tas haupste in sayn leepe sin. Ëntxlist “sich selepst ap saan” un Yeesus sayn inlërnunge un payxpiil “fer imer noo keen.” (Matheus 16:24) Wën een persoon sayn leepe tsu Yeehoowa kept un lost sich taafe, wërts meechlich fer tëm een ëng fraayntxaft mit Yeehoowa hon un mit tëne woo tee aach aan peete.

3. Was mus te persoon mache fer sich taafe lose?

Eeps tuu tich taafe lost, is es wichtich Yeehoowa kuut khëne lërne un wërklich aan iim klaape. (Lees Hepreeyer 11:6.) Soo fiil mee wiis tuu iwich Yeehoowa weest un aan iim klaapst, soo fiil kreeser wërt tayne liip tsu iim. Tan, kans sicher wilst tuu preetiche iwich iim un leepe soo wii tee saat wiis richtich orer ferkheert is. (2 Timoteus 4:2; 1 Yoohan 5:3) Wën een persoon tsaycht tas se leepe wil fer in ales Yeehoowa ‘tsufriite lose’, tan, fiilaycht, khan tee sayn leepe tëm kepe un sich taafe lose. (Koloser 1:9, 10) a — Kuk ti noote.

 LËRN MEE

4. Meyer lërne fiil fon Yeesus sayne taaf

Leest Matheus 3:13-17 fer mee lërne iwich Yeesus sayne taaf. Noochte, xprecht iwich tiise frooche:

• Waar Yeesus een khintche wii eyer ketaaft is woer?

• Wii is tee ketaaft woer? Meechte se ploos een pisye waser iwich sayne khop kexut hon?

Noo sayne taaf, hot Yeesus aan kefang mache ti aarwayt woo Kot iim kep hot. Leest Lukas 3:21-23 un Yoohan 6:38. Noochte xprecht iwich tiise frooch:

• Was waar fer Yeesus, noo sayne taaf, tas wichtiches im leepe?

5. Tuu khanst tich aach taafe lose

Fiilaycht khanst tuu tenke tas tayn leepe tsu Yeehoowa kepe un tich taafe lose is tsu een kroos responsapiliteet. Soo fiil mee wiis tuu iwich Yeehoowa lërnst un wënst aan was tee saat, soo fiil mee sicherheet kriist tuu fer tiise wichtich ëntxlus mache. Wii hon etliche layt tas soo kemacht? Kukt te WIITEO.

Leest Yoohan 17:3 un Tyako 1:5. Noochte xprecht iwich tiise frooch:

• Was khan helfe een persoon sich foer perayte fer ti taaf?

1. Meyer kepe unser leepe fer Yeehoowa wën mer ferxpreche iim tiine fer imer

2. In ti taaf, tsayche mer tsu ti anere tas mer unser leepe tsu Yeehoowa kep hon

 6. Noo unser taaf, keheere mer tsu Yeehoowa sayn familye

Noo te taaf, keheere mer tsu een welts eenich familye. Is ekaal tas lant orer kultuer, al hon mer te selwiche klaape un heere aan ti selwiche piiplixe kepoote. Leest Psalm 25:14 un 1 Pheeter 2:17. Noochte xprecht iwich tiise frooch:

• Noo te taaf, wii wërt een persoon sayn fraayntxaft mit Yeehoowa un mit tëne woo tëm aach aan peete?

 IN KHORTSE WËRTER

Yeesus hot in kelërnt tas ti kriste miste sich taafe lose. Fer tas, mus te persoon wërklich aan Yeehoowa klaape, leepe soo wii tee saat wiis richtich is un sayn leepe tëm kepe.

Was hon mer kelërnt?

• Was is ti taaf, un warom is tii wichtich?

• Was hot se tuun tas leepe tsu Yeehoowa kepe mit te taaf?

• Was mus een persoon mache eep se sayn leepe tsu Yeehoowa kept un sich taafe lost?