LISYOON 25

Was is Kot sayne wile fer uns?

FOERXPIILE

In te Piipel xteet tas tas mënxe leepe is ‘khorts un fol mit soriche’. (Yoop 14:1) Wolt Kot tas tas leepe solt soo sin? Was wolt Kot wii tee ti mënxe kemacht hot? Meecht eene taach tas mënxe leepe wëre wii tee wolt? Ti antwort fon te Piipel wërt tich kefale.

1. Was fer leepe wil Yeehoowa fer uns?

Yeehoowa wolt fom aanfang aan tas peste leepe fer uns. Wii tee ti eyerste mënxe kemacht hot, Aatam un Ewa, hot tee se in een xeen paratiis ketuun: te Eetem kaate. Noochte, ‘Kot hot tii keseechent un Kot hot tsu tëne kesaat: ‘Tuut khiner kriin, un wërt fiil un macht ti Eyert fol, un tuut se aych iwer nëme’’. (Xeenesis 1:28) Yeehoowa wolt tas se solte khiner hon, ti tiere uf phase un fon te kanse Eyert een paratiis mache. Tee wolt tas ti mënxe solte kesunt sin un leepe fer imer.

Tas is woer tas es net soo pasiirt is wii Kot wolt. a (Kuk ti noote.) Awer Kot hot sayne wile net keënert. (Isayas 46:10, 11) Tee wil imer noch tas ti mënxe woo iim aan heere uf ale aate een perfekt un eewich leepe sole hon. — Lees Apokalipsis 21:3, 4.

2. Wii khene mer hayt xon een froo leepe hon?

Yeehoowa hot uns kemacht mit “kaystliche neetichkheete”, tas is, ti neetichkheet fer iim khëne un aan peete. (Lees Matheus 5:3-6.) Tee wil tas mer sole een xtark fraayntxaft mit iim hon, ‘imer in sayne weech keen, iim liipe’ un tiine ‘mim kanse hërts’. (Teuteronoomyum 10:12; Psalm 25:14) Wën mer tas mache, khene mer wërklich froo sin, soo kaar wën mer xwiirichkheete mit mache. Yeehoowa aan peete macht tas unser leepe een opjetiiw hot.

LËRN MEE

Lërn wii mit kroos liip Yeehoowa ti Eyert foer perayt hot fer uns. Lërn aach was ti Piipel saat iwich was fer tswek tas leepe hot.

3. Yeehoowa wil tas ti mënxe sole een wuner xeen leepe hon

Kukt te WIITEO. Noochte xprecht iwich tiise frooch:

WIITEO: Fer was hot Kot ti Eyert kemacht? — Xtik (1:41)

Warom hot Kot unser wuner xeen planeet kemacht?

Leest Eklesyastes 3:11. Noochte xprecht iwich tiise frooche:

Was hot Kot in unser hërts ketuun? Un was lërnt ma too fon?

4. Yeehoowa sayne wile hot sich net keënert

Leest Psalm 37:11, 29 un Isayas 55:11. Noochte xprecht iwich tiise frooch:

Wii wise mer tas Kot sayne wile fer uns sich net ferënert hot?

Een haus woo xlecht pehantelt is woer khan wiiter in te ray kemacht wëre. Kraat soo is es mit te Eyert, ti mënxe tuun se xlecht pehantele, awer Yeehoowa wërt se wiiter in te ray xtele fer tëne woo iim liipe

5. Yeehoowa aan peete kept een woere opjetiiw tsu unser leepe

Te opjetiiw fom leepe khëne pringt frooheet. Kukt te WIITEO. Noochte xprecht iwich tiise frooch:

WIITEO: Ich hon te opjetiiw fom leepe ferxtan (5:03)

Wii hot Terumi sayn leepe sich ferënert wii se kelërnt hot te opjetiiw fom leepe?

Leest Eklesyastes 12:13. Noochte xprecht iwich tiise frooch:

Wii khëne mer tsayche tas mer petanklich sin fer ales was Yeehoowa kemacht hot fer uns?

YEMANT KHAN FROOE: “Warom hot Kot ti mënxe uf te Eyert ketuun?”

Was teest tuu antworte?

IN KHORTSE WËRTER

Yeehoowa wil tas mer een eewich un perfekt leepe sole hon. Wën mer Yeehoowa mit kanse hërts aan peete, tan hot unser leepe hayt xon een woere opjetiiw.