Meyer sinte, layte un xtërpe wayl tas eyerste pheyerche, Aatam un Ewa, net keheert hon. a (Kuk ti noote.) Awer is net ales ferloer. Yeehoowa hot sayne soon, Yeesus Kristus, kexikt fer uns fray mache fon te sinte un fom toot. Ti Piipel lërnt in tas torich Yeesus sayne toot, hot tee ti fray khaaf opfer petsaalt. Fray khaaf opfer is een prays woo ma petsaalt fer yemant fray mache. Te prays woo Yeesus petsaalt hot, waar sayn perfekt mënxlich leepe. (Lees Matheus 20:28.) Yeesus hot uf kep sayn recht fer imer uf te eyert leepe. Soo hot tee uns te weech uf kemacht tas mer khente tsurik kriin ales was Aatam un Ewa ferloer hate. Yeesus sayne toot hot aach ketsaycht wii aarich eyer un Yeehoowa uns liipe. Tiise lisyoon wërt tich helfe mee petanklich sin iwich Yeesus sayne opfer.

1. Wii khan Yeesus sayne toot uns hayt xon helfe?

Meyer sin sinter un mache fiil tings woo Yeehoowa net kefalt. Awer, wën mer uns wërklich peroye weeche unsere sinte un ferlange tas Yeehoowa torich Yeesus uns fertsaye sol, un uns aan xtrenge fer net mee ti selwiche feele mache, tan khene mer een xtarke fraayntxaft mit iim hon. (1 Yoohan 2:1) Ti Piipel saat: “Wayl Kristus is een mool fer imer fer unsere sinte kextorep, een kerechte fer ti unkerechte, fer aych tsu Kot se fiire. Eyer is im flayx um keprung kep, awer is im kayst wiiter lepeentich kemacht kep.” — 1 Pheeter 3:18.

2. Wii wërt Yeesus sayne toot im tsukhunft uns helfe?

Yeehoowa hot Yeesus kexikt fer sayn perfekt mënxlich leepe ap kepe fer “tas yeete eene woo aan tëm klaapt net fernicht wërt, awer eewiche leepe kriit”. (Yoohan 3:16) Torich Yeesus sayn opfer, wërt Yeehoowa een ën mache mit te kanse xlechte tinge woo pasiire wayl Aatam Yeehoowa net aan keheert hot. Tas petayt tas wën mer klaape aan Yeesus sayn opfer, khene mer fer imer im paratiis uf te Eyert leepe! — Isayas 65:21-23.

 LËRN MEE

3. Yeesus sayn opfer macht uns fray fon te sint un fom toot

1. Aatam waar eene perfekte man, awer wayl tee net keheert hot, ale mënxe sinte un xtërpe

2. Yeesus waar eene perfekte man, un wayl eyer Kot aan keheert hot, khene ale mënxe een perfekt un eewich leepe hon

4. Yeesus sayne toot khan ti kanse mënxe helfe

 5. Tas fray khaaf opfer is een kexenk fon Yeehoowa fer tich

Fer Yeehoowa sayn fraaynte, tas fray khaaf opfer is een wuner xeen kexenk. Tsum payxpiil, leest Kalater 2:20. Noochte xprecht iwich tiise frooch:

• Wii hot te aphostel Phaul ketsaycht tas tas fray khaaf opfer weyer een perseenlich kexenk fon Kot fer iim?

Aatam sayn sint hot kemacht tas eyer un sayn kanse nookhomer xtërpe miste. Awer Yeehoowa hot sayne soon sayn leepe kep tas tuu hëst ti keleechenheet fer leepe fer imer.

Leest Yoohan 19:1-7, 16-18, un xtel aych mool foer wii Yeehoowa sich kexpiirt hot wii eyer kesiin hot sayne soon layte. Noochte xprecht iwich tiise frooch:

• Wii xpiirst tuu tich iwich was Yeehoowa un Yeesus fer tich kemacht hon?

 IN KHORTSE WËRTER

Weeche Yeesus sayne toot, khan Yeehoowa unser sinte fertsaye. Yeesus sayne toot kept uns aach ti keleechenheet fer leepe fer imer.

Was hon mer kelërnt?

• Warom must Yeesus xtërpe?

• Wii khont Yeesus sayn perfekt leepe tiine wii een fray khaaf opfer fer ti kans mënxheet?

• Wii khan Yeesus sayne toot tich helfe?