LISYOON 32

Kot sayn Raych rechiirt xon!

FOERXPIILE

Kot sayn Raych hot aan kefang tsu rechiire im himel in 1914. Tan, hon ti letste taache fon te mënxliche rechiirunge aan kefang. Wii wise mer tas? Wole mer siin was ti Piipel in foer raus kesaat hot iwich tiise sache un wii ti situatsyoon in ti welt is fon 1914 aan foran.

1. Was hot ti Piipel foer raus kesaat?

Tas piiplix puuch Tanyël heleft uns ferxteen tas Kot sayn Raych aan fange teet rechiire am ën fon een tsayt woo kenënt is “siwe tsayte”. (Tanyël 4:16, 17) Hunerte yoore tëm noo, hot Yeesus tiise tsayt kenënt wii ti “pextimte tsayte fon te natsyoone” un tee hot in kelërnt tas tiise tsayte noch net am ën weyere. (Lukas 21:24) Ti siwe tsayte sin am ën kang in 1914.

2. Was pasiirt in ti welt fon 1914 aan foran?

Yeesus sayn tisipele hon kefroot: “Wan tuun tiise tinge pasiire, un was wërt te tsayche sin tas tuu too pist un fom ën fon tiise sisteem?” (Matheus 24:3) In sayn antwort, hot Yeesus kexproch iwich fiile tinge woo am pasiire weyere wën tee aan fange teet se rechiire im himel wii Kheenich. Etliche fon tiise tinge sin kriich, hungernoot un eyertxutere. (Lees Matheus 24:7.) Ti Piipel hot aach foer raus kesaat wii ti layt weyere in ti “letste taache” un, weeche tas, weyer tas leepe ‘xweer fer se um keen’. (2 Timoteus 3:1-5) Fon 1914 aan, siit ma tas tiise tinge imer mee pasiire.

3. Warom wërt ti welt imer xlechter tsayt aan woo Kot sayn Raych aan kefang hot tsu rechiire?

Khorts tsayt tëm noo woo Yeesus Kheenich kewoer is in Kot sayn Raych, hot een kriich aan kefang keeche te Taywel un sayn temoone tat im himel. Te Taywel hot te kriich ferloer. Ti Piipel saat “tee is runer keworeft kep, tsu ti eyert, un tëm sayn engele sin mit tëm runer keworeft kep”. (Apokalipsis 12:9, 10, 12) Te Taywel is aarich wuutich wayl tee wees tas tee fernicht wërt. Tes weeche, macht tee tas soo fiil xmërts un eelent uf te eyert kept. Is khee wuner tas ti tinge soo xlecht sin! Awer Kot sayn Raych wërt am ën mache mit unser kanse propleeme.

LËRN MEE

Lërn wii mer wise tas Kot sayn Raych aan kefang hot se rechiire in 1914. Un aach was mer mache sole.

4. Ti piiplixe profetsiie nëme uns tsu tas yoer 1914

Kukt te WIITEO.

WIITEO: Kot sayn Raych hot aan kefang tsu rechiire in 1914 (5:02)

Kot hot kemacht tas te kheenich Napukotonosoor, fon Papiloon, een traam hat. In tiise traam, hot Yeehoowa ketsaycht was im tsukhunft pasiire teet. Tanyël hot aus keleet was tiise traam petayte teet, un was te traam tsu tuun hët mit Napukotonosoor sayn rechiirung un mit Kot sayn Raych. — Leest Tanyël 4:17; a kukt ti noote.

Leest Tanyël 4:20-26. Noochte penutst te khaste woo uner traan is fer tiise frooche antworte:

(A) Was hot Napukotonosoor kesiin? — Kukt ti wërse 20 un 21.
(B) Was teet mit tëm paam pasiire? — Kukt te wërs 23.
(C) Was teet pasiire am ën fon te “siwe tsayte”? — Kukt te wërs 26.

Was hot te traam fom paam mit Kot sayn Raych tsu tuun?

TI PROFETSII (Tanyël 4:20-36)

Rechiirung

(A) Een kroose paam

Teet noo lose tsu rechiire

(B) “Mach te paam um” pis ti “siwe tsayte rom kang sin”

Teet noch mool rechiire

(C) ‘Ayer raych wërt fer aych tsurik kep’

Im eyerst erfiilung fon tiise profetsii . . .

(D) Weer sol te paam sin? — Kukt te wërs 22.
(E) Wën hot tee noo kelos tsu rechiire? — Leest Tanyël 4:29-33.
(F) Was is mit Napukotonosoor pasiirt am ën fon te “siwe tsayte”? — Leest Tanyël 4:34-36.

EYERST ERFIILUNG

Rechiirung

(D) Napukotonosoor, kheenich fon Papiloon

Teet noo lose tsu rechiire

(E) Noo tas yoer 606 foer Kristus, hot Napukotonosoor te ferxtant ferloer un khont net mee rechiire fer siwe yoore

Teet noch mool rechiire

(F) Napukotonosoor hot wiiter te ferxtant tsurik kriit un hat aan kefang tsu rechiire

Im tsweete erfiilung fon tiise profetsii . . .

(G) Weer sol te paam sin? — Leest 1 Kroonike 29:23.
(H) Wën hon tii noo kelos tsu rechiire? Wii wise mer tas tii net wayter rechiirt hon wii Yeesus hiir uf te Eyert waar? — Leest Lukas 21:24.
(I) Wën un wii hot tiise rechiirung noch mool aan kefang tsu rechiire?

TSWEETE ERFIILUNG

Rechiirung

(G) Israeliiter kheeniche woo Kot sayn rechiirung representiire

Teet noo lose tsu rechiire

(H) Yeruusalem is fernicht woer, un ti israeliiter lose noo tsu rechiire fer 2.520 yoore

Teet noch mool rechiire

(I) Yeesus fangt aan tsu rechiire im himel wii Kheenich fon Kot sayn Raych

Wii lang sin ti siwe tsayte?

Etliche teele fon te Piipel helfe uns anere teele fon tëne ferxteen. Tsum payxpiil, tas puuch fon Apokalipsis saat tas tray tsayte un een halp sin tas selwiche wii 1.260 taache. (Apokalipsis 12:6, 14) Tan, siwe tsayte is tas topelte fon tiise numer, tas is, 2.520 taache. Als mool nënt ti Piipel een taach wii een yoer. (Esekyël 4:6) Soo is es mit te siwe tsayte woo kenënt sin in Tanyël sayn puuch: tas petayt 2.520 yoore.

5. Ti welt hot sich aarich ferënert fon 1914 aan foran

Kukt te WIITEO.

WIITEO: Ti welt hot sich ferënert fon 1914 aan foran (1:10)

Yeesus hot foer raus kesaat wii ti welt weyer noo tëm woo eyer Kheenich wëre teet. Leest Lukas 21:9-11. Noochte xprecht iwich tiise frooch:

Was fer fon tiise tinge host tuu kesiin orer triwer keheert?

Te aphostel Phaul hot kesaat wii ti layt weyere in ti letste taache fon te mënxliche rechiirunge. Leest 2 Timoteus 3:1-5. Noochte xprecht iwich tiise frooch:

Mënst tuu tas ti layt teete sich hayt soo aan xtele?

6. Meyer wole Kot sayn Raych xtitse

Leest Matheus 24:3, 14. Noochte xprecht iwich tiise frooche:

Was fer wichtich aarwayt tsaycht tas Kotes Raych xon rechiirt?
Wii khanst tuu teel mache in tiise aarwayt?

Kot sayn Raych rechiirt xon, un te taach woo tee uf ti kans welt rechiirt is kans ticht. Leest Hepreeyer 10:24, 25. Noochte xprecht iwich tiise frooch:

Was mus yeete eene fon uns mache wën mer siin te “taach tichter khome”?

Wëns tuu etwas wist woo khent ti anere helfe orer rete, was teest tuu mache?

YEMANT KHAN FROOE: “Warom is tas yoer 1914 soo wichtich fer Yeehoowa sayn Tsayer?”

Was teest tuu saan?

IN KHORTSE WËRTER

Ti piiplixe profetsiie un soo wii ti welt hayt is pewayse tas Kot sayn Raych xon rechiirt. Meyer tsayche tas mer too traan klaape wën mer preetiche un uf ti fersamlunge keen.

Was hon mer kelërnt?

Tas puuch fon Tanyël xprecht iwich ti siwe tsayte. Was is pasiirt am ën fon tiise tsayte?
Was kept tich ti sicherheet tas Kot sayn Raych aan kefang hot se rechiire in 1914?
Wii khanst tuu tsayche tas tuu klaapst tas Kot sayn Raych xon rechiirt?

Ich hon tiise lisyoon fërtich kemacht am taach:

Tsiil

Mache was neetich is fer een puplikatoer fon te kuute notisye wëre.

Noch een tsiil:

Noch een tsiil