Kot sayn Raych rechiirt xon im himel. Hatich, wërt tee kroose ënerunge uf ti Eyert mache. Wol mer etliche kuute tinge siin woo Kotes Raych mache wërt.

1. Wii wërt Kot sayn Raych friit un kerechtichkheet tsu ti Eyert pringe?

Yeesus, te Kheenich fon Kot sayn Raych, wërt fernichte ale xlechte layt un mënxliche rechiirunge in te kriich fon Armaxeton. (Apokalipsis 16:14, 16) Wën tas pasiirt, tiise ferxprechung fon te Piipel tuut sich erfiile: “In khorts tsayt, tuun ti xlechte net mee eksistiire.” (Psalm 37:10) Torich Kot sayn Raych, Yeesus wërt friit un kerechtichkheet tsu ti kans Eyert pringe. — Leest Isaiias 11:4.

2. Wii wërt unser leepe sin wën Kot sayn wile uf ti Eyert kemacht wërt?

Iwerlee tich mool wii tas weyer in een welt leepe woo ti kanse layt kuut un kerecht sin, al liipe se Yeehoowa un eene te anere! Soo wërt tas sin in Kot sayn Raych, wayl “ti kerechte tuun ti eyert kriin, un tuun fer imer too truf woone”. (Psalm 37:29) Nii mee wërt yemant krank, un al tuun fer imer leepe.

3. Noo ti xlechte fernichte, was wërt tan Kot sayn Raych mache?

Noo tas ti xlechte fernicht wëre, tuut Yeesus torich tausent yoore rechiire. In tiise tsayt, wërt Yeesus un ti 144 tausent rechiire fer helfe ti layt uf ti Eyert perfekt wëre. Am ën fon te tausent yoore, wërt ti kans Eyert een xeen paratiis sin, un ale wëre froo sin wayl se Kot sayn kesetse aan heere. Yeesus tuut tan te rechiirung tsurik tsu sayn Fater, Yeehoowa, kepe. Yeehoowa sayn naame wërt “ferhaylicht” wii noch nii. (Matheus 6:9, 10) Yeehoowa wërt fernichte Satanaas, ti temoone un yeete persoon woo sich keeche sayn rechiirung xtelt. (Apokalipsis 20:7-10) Weeche Kot sayn Raych, tas leepe wërt perfekt sin un fer imer hale.

 LËRN MEE

4. Kot sayn Raych wërt ti mënxe sayn rechiirunge fernichte

Ti Piipel saat tas ‘te mënx eene iwer te anere rechiirt, fer sayn aychne xaate.’ (Eklesyastes 8:9) Yeehoowa wërt torich sayn Raych am ën mache ti kans unkerechtichkheet.

Leest Tanyël 2:44 un 2 Thesalooniker 1:6-8. Noochte xprecht iwich tiise frooche:

• Was wërt Yeehoowa un Yeesus mache mit te mënxliche rechiirunge un mit tii woo tiise rechiirunge pay xteen?

• Tenk iwich ales woos tuu kelërnt host iwich Yeehoowa un Yeesus. Warom khanst tuu tich sicher sin tas tii mit kerechtichkheet richte?

5. Yeesus is te perfekte Kheenich

Wayl Yeesus Kheenich fom Kot sayn Raych is, khan tee fiile kuute tinge mache fer ti layt hiir uf te Eyert. Kukt te WIITEO. Te wiiteo tsaycht tas Yeesus wil ti layt helfe un tas Kot hot fer tëm ti macht kep fer tas mache.

Ales was Yeesus hiir uf te Eyert kemacht hot, tsaycht was eyer mache wërt wii Kheenich fon Kot sayn Raych. Was fer fon tiise seechen tuust tuu ti meyerst truf waarte? Leest ti piiplixe tekste woo iwich tiise seechen xpreche.

6. Kot sayn Raych wërt een wunerlich tsukhunft pringe

 IN KHORTSE WËRTER

Torich sayne Raych wërt Kot ales mache was tee wil. Tee wërt fon te Eyer een paratiis mache, fol mit kuute layt woo wëre Yeehoowa fer imer aan peete.

Was hon mer kelërnt?

• Wii wërt Kot sayn Raych Yeehoowa sayn naame ferhayliche?

• Warom khene mer klaape tas Kot sayn Raych wërt erfiile ti kanse ferxpreche woo in te Piipel sin?

• Fon ale kuute tinge woo te Raych wërt mache, uf was fer eens tuust tuu mee truf waarte?