LISYOON 36
Say imer eerlich
Meyer al wole eerliche fraaynte hon. Yeehoowa wil tas aach. Awer eerlich sin in een welt woo fiil layt uneerlich sin is net laycht. Awer toch, warom is es kuut eerlich sin?
1. Was is te wichticher uersach fer eerlich sin?
Wën mer eerlich sin, tsayche mer tas mer Yeehoowa liipe un respektiire. Tenk mool: Yeehoowa wees ales was mer tenke un was mer mache. (Hepreeyer 4:13) Tee siit wën mer wole eerlich sin un kept aarich weyert too tsu. In te Piipel xteet: “Yeehoowa hast een falx persoon, awer hot een ëng fraayntxaft mit te kerechte.” — Xpriiche 3:32.
2. Wii khene mer eerlich sin taach tsu taach?
Yeehoowa wil tas mer “ti woerheet eene mim anere xpreche”. (Sakarias 8:16, 17) Was petayt tas? Tas petayt tas mer wole net liie un aach net ti woerheet fertreye wën mer mit unser ferwanter, aarwayts koleke un priiter in te kemaynt orer autoriteete xpreche. Weer eerlich is, xteelt net un tuut aach net anere hiner keen. (Lees Xpriiche 24:28 un Ëfeser 4:28.) Yemant woo eerlich is petsaalt ti xtayer. (Romaaner 13:5-7) Tas is, meyer ‘wole uns in ale tinge eerlich aan xtele.’ — Hepreeyer 13:18.
3. Warom is es kuut eerlich sin?
Wën ti layt uns aan siin wii een eerlich persoon, tan traue se uf uns. Soo helfe mer tas ti priiter un xwestere in te kemaynt sich sicher xpiire soo wii in een familye. Un aach, hon mer een kuut kewise. Unser eerlichkheet khan aach ‘ti inlërnung fon unser Rete, Kot, ferxmike’ un mache tas anere iwich Yeehoowa lërne wole. — Titus 2:10.
LËRN MEE
Lërn wii Yeehoowa sich xpiirt wën mer eerlich sin un wii tas kuut is fer uns. Un aach, wiis tuu eerlich khanst sin in unerxiitliche situatsyoone im leepe.
4. Ti eerlichkheet kefalt Yeehoowa
Leest Psalm 44:21 un Malakias 3:16. Noochte xprecht iwich tiise frooche:
-
Was mënst tuu: khene mer etwas fon Yeehoowa ferxtekele? Warom?
-
Was mënst tuu: wii xpiirt sich Yeehoowa wën mer ti woerheet xpreche wëns aach net laycht is?
Wën ti khiner ti woerheet saan, mache se iire eltere froo. Wën meyer ti woerheet saan, mache mer Yeehoowa froo
5. Imer eerlich sin
Fiil layt tenke tas es net imer meechlich is eerlich sin. Kuk warom mer sole imer eerlich sin. Kukt te WIITEO.
Leest Hepreeyer 13:18. Noochte xprecht iwich wii mer khene eerlich sin in . . .
-
unser familye.
-
ti aarwayt orer xuul.
-
anere situatsyoone.
6. Eerlich sin is kuut fer uns
Is woer tas als mool eerlich sin khan propleeme pringe. Awer mit te lëngt is tas imer tas peste. Leest Psalm 34:12-16. Noochte xprecht iwich tiise frooch:
-
Wii khan ti eerlichkheet tayn leepe peser mache?
-
Wën man un fraa eerlich sin, ferxtërke se iire hayrat
-
Wën ti aarwayte eerlich sin, tuun ti xëfe uf tëne traue
-
Wën ti layt eerlich sin, tan tuun ti autoriteete tii respektiire
ETLICHE SAAN: “Als mool een pisye liie macht nimant xaate.”
-
Warom mënst tuu tas Yeehoowa ale liie hast?
IN KHORTSE WËRTER
Yeehoowa wil tas sayn fraaynte sole eerlich sin in ales was se saan un mache.
Was hon mer kelërnt?
-
In was fer sache sole mer eerlich sin?
-
Warom sole mer net tenke tas mer khene etwas fon Yeehoowa ferxtekele?
-
Warom wilst tuu imer eerlich sin?
FER MEE WISE
Wii khene ti eltere sayn khiner in lërne eerlich sin?
Was fer nutse kriin mer wën mer unser wort hale?
Hal in was tuu ferxproch host, tan wërst tuu keseechent (9:09)
Tenk mool warom mer mise xtayer petsaale wën tas kelt aach xlecht penutst wërt.
“Mus tuu xtayer petsaale?” (A Sentinela, 1te Septemper 2011)
Was hot uf kemuut eene man woo net eerlich waar, sayn leepe ënere?
“Ich hon kelërnt tas Yeehoowa parmhërtslich is un tuut uns fertsaye” (A Sentinela, 1te Maay 2015)
