LISYOON 37
Was saat ti Piipel iwich aarwayt un kelt?
Host tuu tich xon ketanke kemacht weeche aarwayt un kelt? Tas khan net laycht sin kelt fertiine fer unser neetichkheete un in ti selwich tsayt Yeehoowa mim kanse hërts aan peete. Awer ti Piipel kept kuute aan reete woo uns helfe khene.
1. Was saat ti Piipel iwich aarwayt?
Kot wil tas mer uns fraye sole mit te aarwayt woo mer mache. Ti Piipel saat tas “fer een mënx kepts niks peseres wii … frayt fine in sayn xweyer aarwayt”. (Eklesyastes 2:24) Yeehoowa xaft fiil. Soo wii Yeehoowa, wole mer aach kuute aarwayter sin. Wën mer een kuut aarwayt mache, frayt eyer sich un meyer selepst sin tsu friite.
Xafe is wichtich. Awer mer thërfe nii lose tas unser aarwayt wichticher is wii unser aanpeetung. (Yoohan 6:27) Yeehoowa ferxprecht tas wën mer sayne wile im eyerste plats in unser leepe tuun, wërt eyer uns ales kepe was mer prayche fer leepe.
2. Was saat ti Piipel iwich kelt?
Ti Piipel saat tas “tas kelt een xuts is”. (Eklesyastes 7:12) Awer ti saat aach tas mer prayche net nuer kelt fer froo sin. Tes weeche, tuut ti Piipel uns aan rete fer net tas kelt liipe, awer ‘tsufriite sin mit was mer hon’. (Lees Hepreeyer 13:5.) Wën mer tsufriite sin, tenke mer net xtentich triwer was noch uns feelt, un sin mer net traurich too weeche. Un mach mer aach khee uneetiche xulte. (Xpriiche 22:7) Tas xitst uns fom kelt ferliire in klik xpiile un aach fon kexefte woo ferxpreche uns raych mache fon eene taach tsum anere.
3. Wii khene mer unser kelt penutse fer anere helfe?
Yeehoowa is een krooshërtsliche Kot, un mer mache iim noo wën mer ‘fraywilich kepe, un wilich sin fer se teele’. (1 Timoteus 6:18) Meyer khene fon unser kelt penutse fer ti kemaynt xtitse un aach helfe tii woo aach neetichkheete hon, hauptseechlich unser priiter. Yeehoowa kukt net aan wii fiil mer kepe, awer was uns uf muut fer tas mache. Wën mer krooshërtslich sin, tan sin mer froo un tuun mer Yeehoowa kefale. — Lees Aphostele sayn Kexicht 20:35.
LËRN MEE
Lërn warom es kuut is ti aarwayt ufm richtiche plats tuun in unser leepe un tsufriite sin mit was mer hon.
4. Een kuute aarwayter sin kept eere tsu Yeehoowa
Unser fraayntxaft mit Yeehoowa sol uns lenke in ti aat wii meyer unser aarwayt mache un aan siin. Kukt te WIITEO. Noochte xprecht iwich tiise frooche:
-
Im wiiteo, was hot tich te meyerst kefal in te aat wii Jonas sich aan kextelt hot in sayn aarwayt?
-
Was hot tee kemacht fer ti aarwayt ufm richtich plats in sayn leepe xtele?
Leest Koloser 3:23, 24. Noochte xprecht iwich tiise frooch:
-
Warom is es wichtich een kuute aarwayter sin?
Xafe is wichtich. Awer meyer sole net lose tas ti aarwayt wichticher is wii Yeehoowa aan peete
5. Tsufriite sin mit was mer hon macht uns froo
Fiil mënxe xtrenge sich aan fer imer mee kelt fertiine. Awer ti Piipel lërnt uns kans was aneres in. Leest 1 Timoteus 6:6-8. Noochte xprecht iwich tiise frooch:
-
Was saat ti Piipel was mer mache sole?
Meyer khene froo sin, opwool mer net fiil hon. Kukt te WIITEO. Noochte xprecht iwich tiise frooch:
-
Warom waare tiise familye froo kewees, opwool se weenich kelt hate?
Awer tas khan sin tas yemant xon fiil hat, awer wil imer noch mee kelt fertiine. Yeesus hot taytlich aus keleet wii kefeerlich tas is. Leest Lukas 12:15-21. Noochte xprecht iwich tiise frooch:
-
Was host tuu kelërnt fon was Yeesus hiir aus keleet hot? — Kukt te wërs 15.
Leest un ferklaycht Xpriiche 10:22 un 1 Timoteus 6:10. Noochte xprecht iwich tiise frooche:
-
Was is wichticher: Kot sayn fraaynt sin orer een haufe kelt hon? Warom?
-
Was fer propleeme khan eene mënx hon wën tee wil imer mee kelt hon?
6. Yeehoowa wërt soriche fer uns
Propleeme mit kelt un aarwayt khene unser klaape aan Yeehoowa im proop xtele. Was khan uns helfe? Kukt te WIITEO. Noochte xprecht iwich tiise frooche:
-
Im wiiteo, was fer propleem hat te pruuter?
-
Wii is tee mit tas um kang?
Leest Matheus 6:25-34. Noochte xprecht iwich tiise frooch:
-
Was ferxprecht Yeehoowa fer ale woo iim ufm eyerst plats in iire leepe tuun?
ETLICHE SAAN: “Ich mus xafe fer soriche fer mayn familye. Ich khan net yeete woch uf ti fersamlunge keen.”
-
Was fer piiplixe tekst kept tich sicherheet tas es imer peser is ti aanpeetung tsu Yeehoowa ufm eyerst plats im leepe xtele?
IN KHORTSE WËRTER
Aarwayt un kelt sin nootwëntich. Awer tii sole uns nii tsurik hale fer Yeehoowa tiine.
Was hon mer kelërnt?
-
Wii khene mer ti aarwayt ufm richtiche plats in unser leepe xtele?
-
Warom is es kuut tsufriite sin mit was mer hon?
-
Wii khanst tuu tsayche tas tuu klaapst aan ti ferxpreche tas Yeehoowa wërt fer uns soriche?
FER MEE WISE
Meecht ti Piipel saan tas tas kelt etwas xlechtes is?
“Meecht tas kelt ti wortsel sin fon ale xlechtes?” (Artikel fom jw.org)
Wii khene mer krooshërtslich sin fer Kot kefale?
“Kepe — Was saat ti Piipel too triwer?” (Artikel fom jw.org)
Khene klik xpiile xaate mache?
Lees was eene man keholef hot noo lose tsu xpiile un xteele.
“Ich waar ferikt uf khayl kareere” (A Sentinela, 1te Nofemper 2011)
