Tas leepe kept uns soo fiil xeenes. Soo kaar wën mer propleeme mit mache, khene mer kuute tsayte hon. Tan, wii khene mer tsayche tas mer kroos weyert tsu tas xeene kexenk kepe? Un warom is es soo wichtich tas mache?

1. Warom sole mer weyert tsum leepe kepe?

Meyer sole weyert tsum leepe kepe wayl tas is een kexenk fon unser liipe Fater, Yeehoowa. Tee is “ti kwel fom leepe”, tas is, tee hot tas leepe kemacht. (Psalm 36:9) “Eyer selepst tuut fer yeete eene leepe, luft un ale tinge kepe.” (Aphostele sayn Kexicht 17:25, 28) Tiise tekst tsaycht tas Yeehoowa uns ales kept was mer prayche fer leepe. Awer tee macht noch mee: Yeehoowa kept uns ales tas mer uns fraye sole mim leepe. — Lees Aphostele sayn Kexicht 14:17.

2. Wii khene mer Yeehoowa tsayche tas mer weyert kepe tsum leepe?

Tawi, eene fon Kot sayn friirixe tiiner, hot kepeet: “Tayn aue hon mich kesiin soo kaar wii ich noch een empryoon waar.” (Psalm 139:16) Tas tsaycht tas Yeehoowa sich khimert mit tich fon te tsayt aan woo tayn mama xwange kewoer is. Tayn leepe is seer wichtich fer Yeehoowa. (Lees Matheus 10:29-31.) Yeehoowa kept soo kroos weyert tsum leepe tas, wën yemant sich um pringt orer pringt een anere um, tas ferletst Yeehoowa sayn hërts. (Eeksotus 20:13) a (Kuk ti noote.) Es teet aach Yeehoowa sayn hërts ferletse wën mer unser leepe orer ti anere sayns uneetich ins kefoer xtele teete. Wën mer unser leepe kuut uf phase un respektiire ti anere sayns, tsayche mer tas mer fiil weyert kepe tsu tas wunerlich kexenk.

 LËRN MEE

3. Kep acht tsu tayn kesuntheet

Wii kriste, ferxpreche mer unser leepe penutse fer Yeehoowa tiine. Tas is als wii wën mer unser khërper wii een opfer fer Kot kepe teete. Leest Romaaner 12:1, 2. Noochte xprecht iwich tiise frooche:

• Soo wiis in tiise tekst xteet, was sol tich motiwiire fer acht kepe fer tayn kesuntheet?

• Wii khanst tuu tas mache?

 5. Respektiir tas leepe fon een khint woo noch net kepoer is

Tawi hat aus keleet tas Yeehoowa sich khimert mim khint woo noch im muterlayp is. Leest Psalm 139:13-17. Noochte xprecht iwich tiise frooch:

• Fer Yeehoowa, fang tas leepe aan wën ti fraa xwange kept orer wën tas khint uf te welt khomt?

Yeehoowa sayn kesets fer te friirix Israël hot kexitst ti mama un aach tas khint woo noch net kepoer waar. Leest Eeksotus 21:22, 23. Noochte xprecht iwich tiise frooche:

• Was tenkt Yeehoowa iwich yemant woo, oone tas se wolt, een unkepoer khint sayn leepe am ën macht?

• Was tenkt Yeehoowa iwich yemant woo tas ferkërn macht? b — Kukt ti noote.

• Tenkst tuu aach soo wii Kot? Warom?

Kukt te WIITEO.

Soo kaar een fraa woo weyert kept tsum leepe khan als mool tenke tas ap traype is tas eensiche was se mache khan. Leest Isaiias 41:10. Noochte xprecht iwich tiise frooche:

• Pay weem khan ti fraa hilef ferlange wën anere wole hon tas se tas khint ap traype sol? Warom?

 IN KHORTSE WËRTER

Ti Piipel lërnt uns in liipe, respektiire un xitse tas leepe — tas xeene kexenk woo Yeehoowa uns kep hot. Un net ploos unser leepe, awer aach ti anere sayns.

Was hon mer kelërnt?

• Warom kept Yeehoowa kroos weyert fer tas mënxliche leepe?

• Wii xpiirt Yeehoowa sich wën yemant sich um pringt orer pringt yemant um?

• Warom kepts tuu weyert fer tas leepe?