LISYOON 39
Was Kot iwich tas pluut tenkt
Tas pluut is aarich wichtich. Oone pluut khene mer net leepe. Yeehoowa is te Kriatoer. Soo, hot eyer tas recht fer saan wii tas pluut khan penutst wëre. Was saat tee iwich tas pluut? Meechte mer tas pluut ese thërfe orer in tratamënte penutse? Un wii khanst tuu kuute ëntxlise mache iwich tiise sache?
1. Was tenkt Yeehoowa iwich tas pluut?
Yeehoowa hot fer sayn friirixe tiiner kesaat: “Tas leepe fon ale sort tier [is] sayn pluut.” (Lewiitikus 17:14) Fer Yeehoowa, tas pluut petayt tas leepe. Soo, wën tas leepe haylich is, is tas pluut aach.
2. Uf was fer aat hot Kot ferpoot tas pluut penutse?
Foer ti kristliche tsayte, hot Yeehoowa fer sayn tiiner kesaat tii solte khee pluut ese. (Lees Xeenesis 9:4 un Lewiitikus 17:10.) Noo tëm woo xon kristliche kemaynte waare, hot Yeehoowa wiiter tas selwiche kesets fer ti kriste kep: “Tas teyer wayter . . . khee pluut [aan nëmt].” — Lees Aphostele sayn Kexicht 15:28, 29.
In te Piipel xteet tas mer sole khee pluut aan nëme. Wii soo? Tsum payxpiil, wën een tokter saan teet tuu selst tich wech hale fon alkohool, tan teest tuu sicher net mee trinke, kël? Awer, meecht tas tan tswëk hon ese tings woo alkohool trin is? Orer tas is tayn ooter in file? Sicher net. Te resultaat weyer te selwiche. Soo is es aach mim pluut. Meyer sole net pluut trinke orer flayx ese woo net aus kepluut is, un aach net etwas ese woo mim pluut kemacht is.
Un wii is es mit sirurxii un tratamënte woo pluut penutse? Etliche tratamënte sin kans klaar keeche Kot sayn kesets. Too tsu keheere transfusyoon fom pluut im kanse, orer een fon sayn fier haupste teele — roote pluut tsele, wayse pluut tsele, platche tsele un plasma. Awer als mool is es net kans klaar op te tratamënt keeche Kot sayn kesets is orer net. Etliche tratamënte penutse kanse kleene fratsyoone fon een fon te haupste teele fom pluut. Anere penutse te aychne persoon sayn pluut. Yeete eene mus sayn aychne ëntxlus too triwer mache. a — Kuk ti noote; Kalater 6:5.
LËRN MEE
Kuk wiis tuu khanst ëntxlise was fer tratamënte aan nëme.
3. Suuch raus een tratamënt woo Yeehoowa kefalt
Wii khanst tuu raus suuche tratamënte woo sich xteen mit was Kot iwich tas pluut tenkt? Kukt te WIITEO. Noochte xprecht iwich warom is es wichtich aan wëne ti phunkte woo uner traan xteen eeps tuu een ëntxlus machst.
-
Peet un ferlang kluucheet. — Tyako 1:5.
-
Suuch piiplixe oryentiirunge un tenk wiis tuu tii aan wëne khanst. — Xpriiche 13:16.
-
Fin raus was fer sort tratamënt es kept tat woos tuu woonst.
-
Iwerlee tich was fer sort tratamënt wërst tuu uf khee aat aan nëme.
-
Tenk ep ti ëntxlus woos tuu machst tayn kewise tich in ruu lost. — Aphostele sayn Kexicht 24:16; kukt ti noote. b
-
Eriner tich tas wën ti ëntxlus mit tayn kewise tsu tuun hot, khan nimant tich saan was tuu mache solst — net tayne man orer fraa, khee elteste, un aach net tayne Piipel leerer. — Romaaner 14:12
-
Xrayp tayn ëntxlus uf.
4. Yeehoowa sayn Tsayer wole te peste tratamënt woos meechlich is
Tas is meechlich Kot sayn kesets aan heere iwich pluut un noch een kuute tratamënt kriin. Kukt te WIITEO.
Leest Titus 3:2. Noochte xprecht iwich tiise frooch:
-
Warom sole mer ti toktere respektiire un mit kexik mit tëne xpreche?
|
Ti kriste nëme net aan |
Yeete krist mus ëntxlise |
|---|---|
|
A. Plasma |
Fratsyoone fon plasma |
|
B. Wayse pluut tsele |
Fratsyoone fon wayse pluut tsele |
|
C. Platche tsele |
Fratsyoone fon platche tsele |
|
D. Roote pluut tsele |
Fratsyoone fon roote pluut tsele |
5. Pluut fratsyoone
Tas pluut hot fier haupste teele — roote pluut tsele, wayse pluut tsele, platche tsele un plasma. Tiise fier teele khene in kleenere teele kemacht wëre, woo kenënt sin “pluut fratsyoone”. c (Kukt ti noote) Pluut fratsyoone khene penutst wëre in metitsiin fer etliche krankheete, orer fer een ferpluutung in xtele.
Yeete krist mus raus suuche ep eyer aan nëmt orer net pluut fratsyoone, tëm noo sayn aychne kewise, woo sich aan te Piipel xtaypt. Khan sin tas etliche kriste ëntxlise net aan nëme eene tratamënt orer sirurxii woo pluut fratsyoone penutst, awer anere, im xtant, nëme tas aan.
Fer een kuut ëntxlus mache, froo tich:
-
Wii khent ich fer te tokter aus leye warom ich aan nëme orer net etliche pluut fratsyoone?
YEMANT KHAN FROOE: “Wën tas pluut toch tas leepe rete khan, warom tan khee transfusyoon aan nëme?”
-
Was teest tuu saan?
IN KHORTSE WËRTER
Yeehoowa wil tas mer tas pluut wii etwas hayliches aan siin.
Was hon mer kelërnt?
-
Warom is tas pluut haylich fer Yeehoowa?
-
Wii wise mer tas Kot sayn kesets iwich net pluut aan nëme aach tsu tuun hot mit pluut transfusyoone?
-
Wii kuute ëntxlise mache iwich aan nëme orer net tratamënte woo pluut orer pluut fratsyoone penutse?
FER MEE WISE
Aan was mus tuu tenke eeps tuu ëntxlist aan nëme tratamënte orer sirurxii woo tayn aychne pluut penutse?
Aan was mus tuu tenke eeps tuu ëntxlist aan nëme orer net pluut fratsyoone?
Was hot keholef een tokter klaape tas was Kot iwich pluut saat tswëk hot?
“Ich hon aan kenom was Kot saat iwich pluut” (Despertai!, 8te Teetsemper 2003)
Kuk wii ti elteste fon te Krankehaus Ferpiinungs Komisyoon ti priiter un xwestere helfe.
a Kuk ti lisyoon 35, “Wii khene mer kuute ëntxlise mache.”
b Kuk te phunkt 5, “Pluut fratsyoone” un Fer peser ferxteen 3: “Tratamënte un operatsyoone woo mit pluut tsu tuun hon”.
c Fer etliche toktere, ti fier haupste teele fom pluut sin tas selwiches wii pluut fratsyoone. Soo, weyer peser klaar aus leye tas tuu net aan nëmst transfusyoone fon pluut im kansem, roote tsele, wayse tsele, platche tsele orer plasma.
