LISYOON 41

Was saat ti Piipel iwich sëks?

FOERXPIILE

Im xtant, fiil layt xeeme sich een pisye fer iwich sëks xpreche. Awer, mit respekt, xprecht ti Piipel kans klaar iwich tiise sache. Was tii saat is kuut fer uns; tas macht tswëk, wayl Yeehoowa is unser Kriatoer, un tee wees was peser is fer uns. Tee saat was mer mache mise fer iim kefale, un was uns heleft froo sin fer imer.

1. Was mënt Yeehoowa iwich sëks?

Sëks is een kexenk fon Yeehoowa. Tee wil tas ploos man un fraa, woo unich sich ferhayrat sin, frayt too traan hon. Tas kexenk kept tëne net ploos ti keleechenheet fer khiner hon, awer is aach een aat fer liip eene fer te anere tsayche. Kot sayn Wort saat: “Fray tich mit te fraa fon tayn yunge yoore.” (Xpriiche 5:18, 19) Yeehoowa wil tas man un fraa sole troy sin eene mim anere. Tes weeche, teet een krist nii sich untroy aan xtele. — Lees Hepreeyer 13:4.

2. Was is seksuaal imoraaliteet?

Ti Piipel saat tas “tii woo seksuaal imoraalix sin . . . tuun Kot sayn Raych net ërpe”. (1 Korinter 6:9, 10) Tas kreekix wort woo ti Piipel penutst fer seksuaal imoraaliteet is porneía. Tas wort hot tsu tuun mit (1) sëks unich persoone woo net unich sich ferhayrat sin a [kuk ti noote], (2) homoseksualismus, un (3) mënxe sëks mache mit tiere. Wën mer uns ‘wech hale fon te seksuaal imoraaliteet’, kefale mer Yeehoowa un mache was kuut is fer uns selepst. — 1 Thesalooniker 4:3.

LËRN MEE

Lërn wiis tuu tich wech hale khanst fon te seksuaal imoraaliteet un aach tas tayn moraal rayn hale is kuut fer tich.

3. Rays aus fon te seksuaal imoraaliteet

In te Piipel, eene troye man woo heest Yoosef must sich aan xtrenge fer sayn moraal rayn hale. Leest Xeenesis 39:1-12. Noochte xprecht iwich tiise frooche:

Warom is Yoosef aus keris? — Kukt te wërs 9.
Mënst tuu tas es waar kuut kewees was Yoosef kemacht hot? Warom?

Wii khene ti yunge Yoosef noo mache un aus rayse fon te seksuaal imoraaliteet? Kukt te WIITEO.

WIITEO: Rays aus fon te imoraaliteet (5:06)

Yeehoowa wil tas mer sole ti imoraaliteet net aan nëme. Leest 1 Korinter 6:18. Noochte xprecht iwich tiise frooche:

Was fer situatsyoone khente uns tsu seksuaal imoraaliteet nëme?
Wii khanst tuu aus rayse fon te imoraaliteet?

4. Tuu khanst ti fersuuchung phake

Uf was fer situatsyoone khent es xweer sin unser moraal rayn hale? Kukt te WIITEO. Noochte xprecht iwich tiise frooch:

WIITEO: Lees ti Piipel fer fersuuchunge phake (3:02)

Im wiiteo, hat eene pruuter kemërkt tas wii eyer sich aan xtele teet un sayn ketanke khente mache tas eyer teet untroy tsu sayn fraa wëre. Was hot tee kemacht wii tee tas kemërkt hot?

Als mool, soo kaar troye kriste mise khëmpfe keeche unrayne ketanke. Was khan tich helfe net aan imoraalixe tinge tenke? Leest Filiper 4:8. Noochte xprecht iwich tiise frooche:

Aan was fer tinge sole mer tenke?
Wii khan uns tas helfe fersuuchung phake wën mer reekelmeesich ti Piipel leese un fiil tsu tuun hon in Yeehoowa sayn tiinst?

5. Was Yeehoowa uns in lërnt is kuut fer uns

Yeehoowa wees was peser is fer uns. Tee lërnt uns in wii mer unser moraal rayn hale khene, un was fer nutse mer too tefun hon. Leest Xpriiche 7:7-27 orer kukt te WIITEO. Noochte xprecht iwich tiise frooche:

WIITEO: Say ferxtëntich (9:31)

Im tekst, wii hot te yunge sich in een kefeerlich situatsyoon ketuun? — Kukt Xpriiche 7:8, 9.
Soo wiis in Xpriiche 7:23, 26 xteet, ti seksuaal imoraaliteet khan fiil xaate pringe. Fon was tuun mer uns xitse wën mer unser moraal rayn hale?
Wii khan unser moraal rayn hale uns helfe leepe fer imer?

Etliche tenke tas was ti Piipel saat iwich homoseksualismus is tsu xtreng. Awer Yeehoowa, te liipliche Kot, wil tas mer al sole froo sin fer imer. Awer fer tas, mise mer leepe soo wii tee saat wiis richtich is. Leest 1 Korinter 6:9-11. Noochte xprecht iwich tiise frooch: